Thursday, 23 October 2014
Director di departamento di relacionnan exterior drs. Andy Lee a atende conferencia di embahador Print E-mail
Friday, 01 February 2013 16:23
DSC_2063

Recientemente Drs. Andy Lee, Director di Departamento di Relacionnan Exterior a hasi un bishita di trabou na Hulanda.

Durante su estadia e la atende e conferencia cu Ministerio di Relacionnan Exterior di Reino ta organisa durante henter un siman na cual tur Embahadornan y Consulnan di Reino como tambe Directornan di Departamento di Relacionnan Exterior di Aruba y Corsow y Sint Maarten ta participa.


Conferencia di Embahadornan pa 2013:

Na inicio di e conferencia aki, Minister di Relacionnan Exterior di Reino, Sr. Frans Timmermans, como tambe Minister di Commercio Internacional y Cooperacion pa Desaroyo, Sra. Lilianne Ploumen, a elabora riba nan visión, strategia y maneho pa e próximo anjanan.

Hopi topiconan interesante a ser trata durante e siman di e Conferencia di Embahadornan di Reino, pa cual cada participante ta ser aloca pa cierto di e topiconan aki. Pa cada dia ta pone un enfoke diferente di e topiconan cu ta ser discuti.

 

Pa cu e promer dia e enfoke tabata ariba intercambio cu mandatarionan di Reino y di Hulanda. Meta ta pa discuti y intercambia ideanan y experiencia cu mandatarionan, den forma di Brainstormsessies. Sr. Lee a ser aloca den dos diferente Brainstormsessies caminda ta discuti y intercambia di idea y experiencia cu mandatarionan di Reino y di Hulanda. E promer tabata cu Minister di Asuntonan Interno y Relacionnan di Reino, Sr. Ronald Plasterk, caminda a trata e topico “Desaroyonan dentro di Relacionnan den Reino. E siguiente Brainstormsessie tabata cu Secretario di Estado pa Finansas, Sr. Frans Weekers, caminda a trata e topico di “E Clima Fiscal Hulandes pa cu Inversionnan for di Exterior.” Dos topico hopi actual, cu a resulta den discusionnan y intercambio di experiencia y idea interesante entre tur e participantenan.

 

Di dos dia, e “Dia Economico”, tabata den lus di relacionanan y interesnan comercial den exterior. Sr. Bernard Wientjes, Presidente di VNO-NCW - e asociacion comercial di mas grandi di Hulanda - a duna un relato di e interesnan comercial di negoshinan hulandes den exterior y a mustra ariba e importancia di diplomacia económico y e rol cu Embahadanan y Consuladonan di Reino ta hunga den esaki pa representa y sirbi interesnan comercial di negoshinan hulandes (y di otro paisnan den Reino) den exterior. For di e encuesta ta sali na cla cu empresanan hulandes ta haciendo mas uso di servicionan económico di Embahadanan di Reino. Tambe tabatin un encuentro interesante cu Rabobank, cu a duna un presentacion di e posicion economico di Hulanda, y a splica di e rol di banconan, e importancia di export den economia di un pais, como tambe e problematica di financiamento y seguro di transaction. Mas laat atardi Embahdor- y Consulnan di Reino tabata tin matchmaking cu empresanan hulandes cu tin interes economico den e respectivo paisnan cu Reino tin representacion.

 

E di tres dia di e Conferencia di Embahadornan di Reino tabata den cuadro di encuentro cu Minister Presidente di Hulanda, Sr. Mark Rutte, sigui pa diferente sesión di maneho pa cu e Ministerio pa Relacionnan Exterior. Den e sesión plenario encuanto maneho a trata e misión y visión di Ministerio pa Relacionnan Exterior, como tambe topiconan relata integridad y na reformanan y cortamento pisa di gasto cu ta tumando lugar dentro di e Ministerio pa Relacionnan Exterior. Den e workshopnan di maneho a discuti topiconan manera misión y visión di Ministerio pa Relacionnan Exterior, consequencianan e impacto di cortamento di gasto y reformanan pa trabounan di Embahadanan, como tambe maneho di postnan diplomático chikito den exterior. E cortamento di gasto den Ministerio, tin su impacto ariba e cantidad di personal na Embahadanan como tambe e capacidad pa deal cu e trabou cotidiano na Embahada. Expectativa ta cu esaki lo por afecta e nivel di servicio cu Embahadanan di Reino ta duna na clientenan.

 

Dia cuater a cuminsa cu un paneldiscussie plenario cu Minister Timmermans encuanto di futuro y inzet di e postennet di Reino, cu e meta pa jega na un forma mas eficiente y eficas pa realisa e misión di Ministerio pa Relacionnan Exterior. Pregunta clave tabata den ki forma lo por sirbi nos clientenan y stakeholders lo mihor posible, teniendo cuenta cu reformanan y cortamentonan di gasto cu ta tumando lugar. Miembronan di Panel tabata e.o. Sr. Arthur Doctors van Leeuwen, Presidente di Adviescommissie Modernisering Diplomatie, Sr. Hans Biesheuvel, Presidente di MKB Hulanda y Sra. Meiny Prins, Director General di Priva y Zakenvrouw di Anja 2009. E programa a sigui cu Themadiscussies den gruponan mas chikito caminda a trata 8 diferente topiconan, manera entre otro: Imagen di Hulanda, Seguridad, Hulanda como Cultural Hotspot, Hulanda den Europa, Diplomacia Economico.

 

Presentacion encuanto Tendencianan mundial encuanto Energia y Continente Americano y Region Caribe:

Directie Westelijk Halfrond di Ministerio di Relacionnan Exterior a organisa ariba e di cinco dia di e conferencia un presentacion encuanto di Tendencianan Mundial ariba tereno di Energía & Continente Americano y Region Caribe. Dr. Fatih Birol, Chief Economist di International Energy Agency, a duna un splicacion na Embahadornan Hulandes di Reino di Hemisferio Occidental di e cambionan den e sistema mundial di energía y implicacionnan geopolítico. Locual a resalta ta cu e aumento den producción Norte Americano di petróleo y gas ta stimulando actividad economico y cuponan di trabou den regio, y lo tin efectonan significativo pa cu e posición di concurrencia di Norte America. Participacion Estadounidense den Medio Oriente lo disminui considerablemente a consequencia di e independencia energética di Merca. Pa 2035 mas di 90% di export di petróleo di Medio Oriente lo ta pa paisnan Asiatico, manera China y India. Ya caba por observa crecimiento den presecia Chino y di otro paisnan Asiatico den Medio Oriente y den Latino America.

 

Europe meets The Americas na Aruba:

Durante henter e Conferencia di Embahadornan na Den Haag Sr. Lee a haci promocion pa e actividad di Europe Meets The Americas bou di Embahadornan di Reino den Hemisferio Occidental. Tambe a probecha di encuentro cu Embahdornan di Paisnan di Hemisferio Occidental na Den Haag pa trece e evenemento aki bou di nan atención.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter