Wednesday, 23 April 2014
Minister Dowers ta considera joint venture cu turismo un partnership hopi importante Print E-mail
Friday, 01 February 2013 17:32

Front DSC 3198

Ministerio di Husticia, Cuerpo Policial y sector di turismo a cuminsa un joint venture varios aña pasa cu Aruba Hospitality and Security Foundation (AH&SF) pa cual turismo ta provee fondo y husticia ta provee experticio y personal profesional pa prevencion di crimen den areanan cu conoce concentracion grandi di turista. Particularmente durante e ultimo tres añanan, e joint venture aki a crece y haya mas contenido, unda cu Ministerio di Turismo y su partnernan den turismo ta provee materialnan adicional pa Cuerpo Policial. Esaki ta posibel pa medio di e asina yama TPEF, Tourism Product Enhancement Fund, cual ta traha hunto cu e proyecto di Cuerpo Policial yama "Project Enhancement Police & Tourism". Diahuebs atardi representantenan di TPEF, Ministerio di Turismo Otmar Oduber, Cuerpo Policial y Minister di Husticia Arthur Dowers a reuni na Garage Central pa entrega di cuater vehiculo destina pa e Unidad K-9 di Cuerpo Policial. E Unidad K-9 tin su vehiculonan special caba y e cuater vehiculonan nobo lo yuda apoya e team den su funcionamento. Minister Dowers a expresa cu e ta sumamente contento cu e joint venture entre Cuerpo Policial y e sector y ministerio di turismo. Ta tuma e compromiso di no solamente turismo, pero tur ministerio y henter comunidad pa garantisa siguridad na Pais Aruba, el a añadi. El a comenta cu, manera su colega minister a bisa, Aruba ta un pais unda cu turistanan no ta concentra den un solo area, pero ta bay tur caminda. Nos ta kere den e concepto aki y kier mantene e concepto aki tambe, Minister Dowers a subraya. E mandatario a comenta cu ta tuma henter e comunidad pa garantisa siguridad, como tambe pa combati criminalidad. Minister Dowers a splica cu unda e habitante ta sinti su mes sigur y ta participa na e proceso pa garantisa siguridad, e bishitante tambe ta sinti su mes sigur y e por conta cu su siguridad tambe ta garantisa. E Unidad K-9 ta un di e teamnan nobo di Cuerpo Policial cual ta dunando bon resultado, specialmente pa loke ta trata e aspecto di prevencion. Ta bisto cu nan ta planta respet unda cu nan yega. Minister Dowers a expresa cu e ta spera cu e joint venture valioso cu turismo lo ta uno duradero y cu Cuerpo Policial por sigui conta cu turismo como un partner. E yabinan di e cuater vehiculonan Volkswagen a wordo entrega pa representante di Garage Central na Minister Oduber, kende na su turno a entrega esakinan na Minister Dowers. Finalmente, Alto Comisario Dolfi Richardson a ricibi e yabinan di Minister Dowers.

album album album
album album album

Comentarionan (2)Add Comment
johan tromp
February 02, 2013
201.229.126.183
Votes: +1
...

Masha bunita pa tin cacho entrena anto tog polis no ta gara e bendedonan di droga cu ta cabando cu e paz di nos. E polisnan aki no por pasa cu e cacho aki, Dilanti di Bright bakery unda cu tin un cas bieeuw color blou geferf.Den e garage patras fiesta. polisnan ban stop di ta nonchalant i ban caba cu droga na e pais aki. I pueblo di Aruba ban cuminsa denuncia na e systema aki hot spot nan conoci pa ta bende droga danja nos hubentud.

payo
February 01, 2013
201.229.71.134
Votes: +1
...

Masha bunita, e boto di polis por ta na beurt awo?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter