Monday, 20 October 2014
Gobierno: Richard Rosel a comparti su pensamento cu Prome Minister Mike Eman Print E-mail
Friday, 01 February 2013 17:56

Front Rosel IMG 4886

Richard Rosel na un manera masha obhetivo ta evalua e trabounan haci dor di gobierno. E tabatin oportunidad di combersa riba esaki cu nada menos cu Prome Minister di Aruba, Mike Eman. Un oportunidad cu sigur bo no ta wak na otro pais di mundo caminda e hefe di gobierno ta bishita barionan como parti di su agenda durante henter aña.

E accion di bario ta cumpli cu su proposito di sirbi e ciudadanonan y permiti e mandatario yega mas cerca di su pueblo pa haya sa con e hendenan ta biba y con por mehora e bicindario. Den e caso di e accion di bario mas reciente caminda a bishita un area di Sabana Grandi den Santa Cruz, Prome Minister a yega na cas di Richard Rosel, kende a sinti’e complace di por a ricibi Eman. “Mi ta contento cu e tabata na mi cas pa e wak tur e cos rond di nos bario,” Rosel a bisa. El a splica tambe cu e ta haya cu e trabounan ta bayendo bon, pero mester di mas y miho planeacion. Esey por evita cu ta construi of drecha algo cu despues mester bolbe kibra. Esaki ta puntonan cu Prome Minister a tende cu hopi atencion. E ta aprecia e criticanan constructivo cu e ta ricibi di e ciudadano, paso di e manera aki nos tur ta coopera pa un miho pais. Pa loke ta e maneho di gobierno en general, Rosel ta satisfecho cu e proyectonan cu Gabinete Mike Eman ta ehecutando. Refiriendo specificamente na e renobacion di Oranjestad y introduccion di etram, e habitante di Sabana Grandi cu ta kere cu nan ta na su lugar. “E proyectonan ta bon paso nos ta depende di turismo. Nos mester inverti cada bes pa ora e turistanan yega nan wak algo otro; no por ta tur ora lama so.” El a bisa cu e tram ta bon pa nos economia, pero cu ta hopi importante pa mantene y no lague bay perdi. Rosel a aprecia e bishita di Prome Minister Mike Eman den su bario y na su cas. E ta reconoce e diferencia cu e mandatario aki ta haciendo den gobernacion dor di tuma e tempo pa yega cerca di e hendenan den bario y den nan cas. “Mi ta contento cu e bishita aki pasobra e ta trahando duro. No ta facil pa tur dia bo lanta pa atende hende cu e cosnan ey; no ta facil!” Rosel a finalisa bisando. El a keda masha contento tambe di wak cu hunto cu Prome Minister tabatin presencia y gruponan di DOW y Serlimar embeyeciendo y haciendo limpi den e bario.

album album  

Comentarionan (7)Add Comment
buscadrechi
February 04, 2013
201.229.76.179
Votes: +0
...

Ban ta serio Hende nan na prome luga cu mi sa Swissport no ta un compania di gobierno pa cu nn por a manda Sr. Rosel cas mane bo ta insinua!!! Dus pls stop di mustra bobo y informa bo mes prome cu pone comment pa tur hnd lesa.

ramfis
February 02, 2013
201.229.81.45
Votes: +0
...

Mi pueblo laga nos ta uni envez di bringa nos mes un raza, tur locual nos tin cu haci repecta otro y busca information bo mes y husca e dia di vota esey ta tur cos y no laga ningun hende manipula bo

Informa mihor
February 02, 2013
201.229.72.245
Votes: +1
...

1. Mi no ta mind ora hende duna comentario, paso nos ta un pais unda bo ta liber pa expresa bo mes. Pero si lo ta na su lugar pa bo informa boso mes mihor, vooral si bo ta asumi di conose e persona bon. Chai a skohe pa bai cas mas o menos dos anja prome cu su 60 ora e la haya un bon oportunidad, y mi ta kere esaki ta husto ora bo tin casi 34 anja trahando pa e mesun compania. Pe tawata e desishon mas ideal y esey nos mester respeta. No ta ni ami, ni abo cu tin cu paga su gastonan di tur luna. Y ami cu tambe conose bon, sa cu e la consulta cu profeshonalnan prome y awendia e ta contento cu su desishon, y na niun momento e la wordo manda cas obligatorio.

te
February 01, 2013
201.229.2.99
Votes: +1
...

Sr. Rosel ta ciego bo ta, bo pueblo di Santa Cruz ni un feneta bosonan a hanja, manera bo mes a bisa ta Playa so a hanja algo, anto ningun ta caba pata pata di corupcion. Ta bo so ta AVP den henter e bario aki.

happygreen2013
February 01, 2013
201.229.27.44
Votes: -2
...

Mike Eman por tbt un Notario awo ganando 20 mil florin pa luna sin d**or di cabez,pero wak con e ta move,e ta traha di dialuna pa dialuna tur dia,e tin tempo pa pasa den bario sin cu ta campanja,awo si e ta biS**ta un famila AVP di alma su cas,ta kiko tin di malo,Aboso cu ta Mep ta cuanto biaha bo a haya biS**ta di Nel ora e tbt prome minister??? mi ta hopi sigur cu ora di elecion so bo tbt wake pa bin ganjabo den campanja,pa despues e declara cu CAMPANJA TA UN COS U GOBERNACION TA OTRO,es decir ganjabo den bo propio cas.Ta pesey e ta na Ponton awe.

happygreen2013
February 01, 2013
201.229.27.44
Votes: -1
...

Mike Eman ta un hende cu ta bai tur caminda,e nunca ta ofende hende manera e Nel,cu si bo ta cune bo ta bon,pero si bo no ta cune,bo no ta sirbi.Mike Eman ta bini di famila politico,su welo,su tata cu tbt goza admiracion di defunto Betico.Pero nel ta cabei di boto e la hay di Difunto betico,na unda e la sa di enriqueze su mes cu sorto di penshioen ariba custia di pueblo.Mike a hisa su mesun edad di penshoen pa 60 anja manera tur hende na Aruba.Mike Eman ni un familia di dje a hay trabow den gobierno.Bo por bisa esey di Nel of Evelin???

mester
February 01, 2013
186.121.66.131
Votes: +1
...

Senores Mike ta hane obliga di bai eynan pasobra e hende nan ey ta AVP di alma ful famia ami conose nan bon,I e meneer ey mi conose bon e jama Chai e tawata traha Aerocargo pakico e no a reclama Mike a duna hopi compania pa hasi trabow di courier pa Aerocargo cai na caminda cu awe e mes tana cas.E la hana un bon opurtunidad pa hasi tal
pero su carzon no tin faha,Pakco Mike no a cruza e caminda ta ey nan so e la keda pabien Mike e hende ney semper nan ta AVP no ta nada nobo

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter