Tuesday, 29 July 2014
Cu flanel di Vista Security e prome atracador a habri caminda pa otro tres atracador cu coverall na RBC Royal Bank Print E-mail
Friday, 01 February 2013 21:00

front-banco001

Awendia na tur banco na porta ta screen cada persona cu drenta. E security ta habri porta pa un cliente drenta. Pesey mes na RBC Royal Bank na Palm Beach a sosode un atraco cu e atracadornan a hunga nan tactica pa yega den e banco. E prome atracador a yega trankil como cliente cu su flanel di Vista Security y e seguridad na porta a habri e porta pe.

Asina cu el a drenta el a habri caminda pa e otro tres atracadornan cu coverall tambe pasa. A exigi tur hende bai plat. Camera pafor a graba tur cos y esnan paden. Tur e cara di e atracadornan ta cla cla riba e camera. Paden e tras atracadornan cu curpa mas grandi a bisti nan mask aunke nan a wordo graba dia bieu. A pidi pa placa y para tras di toonbank a exigi pa tira e placa den e saconan. Probablemente e suma hiba ta riba 100 mil florin. E atracadornan a kita basta pertenencia di clientenan cu tabata den banco. A bai cu tasnan cu basta cos priva di e clientenan. A hiba yabi di cas y aparato pa desactiva alarma etc. Tur e cosnan aki dimes a pone e clientenan tambe den un susto pasobra awor e atracadornan tin nan yabi y tur dato di unda nan ta biba. Unavez paden e atracadornan a bai den cantina tambe. Un empleado den cantina hunto cu security a tende desordo. Nan tabata comiendo algo y ora a bai habri e porta a haya sorpresa cu atracadornan cu arma riba nan. Esun cu shirt di compania di security a pone su arma na cabez di e seguridad di RBC. Asina nan a logra pone tur hende drumi. E seguridad a splica cu el a mira otro tres atracador cara tapa curpa grandi den e banco. Den combersacion cu Pierre Rafini director di RBC Royal Bank a laga sa cu e trahadornan a cumpli cu loke nan a wordo siña pe. Copera cu e atracadornan. Nan tabata grita pa placa y al suelo na e clientenan cu a perde basta di nan pertenencianan. Pierre Rafini a splica tambe cu tur cos ta graba dese yegada di e atracadornan pafor te cu paden. Tur cos ta mustra cu aki ta trata di atracadornan Venezolano. Polis ta buscando nan paradero y alto comisario a splica cu e ta convenci cu nan lo pone man riba nan tur. Na RBC nan tin e seguridad completo. A puntra Pierre Rafini dikon no ta pone glas como proteccion pa e tellernan? El a splica cu tin biaha e contacto cu e clientenan un tiki mas personal ta importante. Dialuna RBC Royal Bank na Palm Beach lo ta sera. Aki e empleadonan lo keda mas trankil pa asina nan por caba di sera nan caha tambe y djey lo saca afor precisamente cuanto placa a bai den e atraco. Asina mes ta calcula cu ta un suma di mas cu 100 mil florin. Gerencia di RBC a busca un psycologo profesional pa bin atende cu e empleadonan den banco pa asina nan por keda mas trankil pa e weekend aki. Polisnan a haya tur grabacion for di banco pa asina sigui mesora cu nan investigacion.

gallery1 gallery1 gallery1
gallery1   

Comentarionan (6)Add Comment
RSA
February 02, 2013
201.229.13.236
Votes: +1
...

Laga nan acepta promer cu nan ta c*lpabel of laga juez hayanan c*lpabel promer pa e ora 24ora.com mes saca tur dia nan foto riba 24ora.com . Hey donjo di 24ora.com bin cu un pagina permanente di tur e criminalnan cu juez haya c*lpabel aki na Aruba. Danki pa bo cooperacion donjo di 24ora.com

eduardo zambrano
February 02, 2013
201.229.124.31
Votes: +5
...

A YEGA E MOMENTO PA PONE TUR EMPRESA DI SECURITY BOW DI UN SEVERO SUPERVISION DI AUTORIDAD HUDICIAL.DEN ALGUN DI NAN TIN MALANDRONAN TA PLANEA COSNAN MALIGNO PA ARUBA

Bounty Hunter
February 01, 2013
201.229.10.98
Votes: +14
...

For merdia caba BANCO Y POLIS mester a postnan potret cu boso ta suppose di tin di e videonan di banco. Asina aki pueblo por yuda hasi e trabow di polis mas fasil. Kiko boso ta warda?

Archimedesstraat 6
February 01, 2013
184.33.53.27
Votes: +14
...

Ta asina mester ta. Mester pone e screen shot di e atracadornan pa asina polis ta hanja ayuda di e pueblo y ora e pueblo reconocenan nan por llama polis.

juan binba
February 01, 2013
201.229.40.18
Votes: +15
...

pone e gabacion pa nos, asina cu nos topa un dinan nos por avisa polis caminda nanta ,nos por reconosenan di biaha,boso kier pa pueblo juda toch awel laga nos wak e grabacion.

seferina
February 01, 2013
201.229.76.120
Votes: +65
...

dikon nan no ta pone un screen shot di e kara di atracadornan den tur media pa asina pueblo por wak si nan por reconoce e diablonan aki ?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter