Sunday, 21 December 2014
ATA buscando 350 camber pa turistanan cu vuelonan pa Merca a cancela Print E-mail
Friday, 08 February 2013 12:44
Comparti

 ata

Actualmente e regio di norte este na Merca ta preparando pa un tormenta fuerte, un asina yama ‘blizzard’. Pa tal rason mas cu 3.050 vuelo a wordo cancela. Esaki ta encera cu cierto vuelonan ida y vuelta pa Aruba for di Merca tambe ta impacta. Consecuencia ta cu Aruba ta keda cu turistanan cu
no por regresa nan pais manera planea, mientras cu pa e weekend “sold out” aki,

esnan cu tin nan bishita planea si ta yegando. Mirando e hecho cu ta calcula na es momentonan aki cu tin mester un total di 350 camber (mas o menos) y mirando e hecho cu esfuersonan te cu aworaki ta indica cu no a yega na e cantidad di cambernan aki, Aruba Tourism Authority ta haci un yamada na esnan cu tin acomodacion pa ofrece pa tuma contacto cu oficina di turismo. Por tuma contacto cu Sra. Ilka Figaroa na 582-3777 pa asina informa di posibilidadnan. Aruba Tourism Authority na su turno lo manda e informacion aki pa hotelnan kende tin e huespednan cu mester wordo acomoda. Hotelnan mes lo tuma contacto cu esnan cu tin cupo pa asina asisti e huespednan. Tuma bon nota pues cu ‘sí’ tin mester, hotelnan lo tuma contacto. Aruba Tourism Authority ta trahando y lo sigui traha na un manera estrecho cu AHATA, ATSA, AAA y Ministerio di Turismo pa asina yega na solucion pa bishitantenan. Tambe tin contacto estrecho cu aerolineanan pa asina evalua tur otro opcion.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter