Wednesday, 01 October 2014
ATIA y directiva di Aduana a yega na palabracion concreto pa asina mehora e proceso di Aduana Print E-mail
Friday, 08 February 2013 15:43

atia001

Riba 24 di januari ATIA a publica un relato critico tocante e funcionamento di departamento di Aduana, en particular encuanto tardansa pa comerciantenan por haya nan carga. Den e relato aki e chairman di ATIA Ronald van Trigt a boga pa un servicio más eficiente y efectivo, transparencia y un mihor comunicación pa asina evita daño primeramente na miembronan di ATIA, y en general na comercio.

A base di e relato di ATIA, directiva di Aduana a invita ATIA pa un reunión pa asina trata e ‘bottlenecks’ cu tanto Aduana y e miembronan di ATIA ta wordo confronta cu ne. ATIA ta hopi agradecido pa cu e reacción positivo di parti di Aduana.

E reunión entre ATIA y directiva di Aduana tabata sigur positivo y fructifero. Varios puntonan a wordo trata y ambos partido a splica nan punto di vista y a reconoce cu tin hopi discrepancia na momento cu comerciantenan kier saka nan carga.  Di un banda aki commerciantenan, en particular e ‘brokers’ ta desea di haña mas información concreto di Aduana. Na otro banda directiva di Aduana ta opina cu brokers tambe tin e responsabilidad pa keda up-to-date. Ambos partido ta di acuerdo cu ta hopi tempo pasa cu Aduana a duna un refresh training na e comerciantenan concerni.  

Departamento di Aduana di su banda ta trahando tambe riba e implementación di e sistema di ASYCUDA. Ora e sistema bay den full servicio, hopi problema cu miembronan di ATIA ta experencia, lo wordo soluciona. Den comienso di april e Departamento di Aduana lo tene un information session di “ASYCUDA den“praktijk” pa partidonan concerni, principalmente pa e brokersnan y agencianan di barco. Aparti di esaki Departamento di Aduana tin pensá pa den futuro unavez cu ASYCUDA ta draai completo introducí un projecto pa cuminsa certificá brokersnan (douane expediteurs) pa cu trabaonan specifico relacioná cu procesonan di Aduana pa asina mehora e calidad di servicio.

E mensahe ta obvio: Aduana y commercio ta depende di otro, y lo mester comunica y traha mihor cu otro. Si tur instancia hasi nan trabao como debe ser, e daño na miembronan di ATIA y comercio en general lo por wordo limita y te hasta evita. Tambe Aduana ta na altura di e falta di personal structural den actividades di “vrijmaking” y Aduana a compromete su mes pa resolve e problema aki. E caminda ta largo ainda, pero ATIA lo keda vigila e situacion aki pa su miembronan.

Tanto ATIA y directie di Aduana, a bin na acuerdo pa tene reunión regularmente, y a hasi palabracion concreto pa asina mehora e proceso. Por último a palabra cu, di parti di Aduana lo cuminsa comunica cu ATIA encuanto situación di overmacht y/of cambionan cu lo tuma lugar den e cuerpo di Aduana.   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter