Tuesday, 23 September 2014
Gobierno: Emocionnan Grandi den San Miguel pa presencia di Prome Minister Print E-mail
Friday, 08 February 2013 22:01

front

Apesar cu e ta un escena cu ta ripiti su mes cada siman ora cu e lider di Gabinete Mike Eman ta bishita otro bario riba nos isla, toch ta keda un bista impresionante pa tuma nota di e reaccion cu e ta genera den e hendenan, den e pueblo. Mike Eman ya ta for di algun aña caba a inclui den su agenda di trabou cu un dia pa siman e ta dedica na yega mas cerca di e ciudadano den su propio ambiente pa asina por tin un contacto directo y sincero.

E meta tras di Accion di Bario ta pa Prome Minister mes informa su mes di tur e preocupacionnan cu tin den e bario, con nan por wordo soluciona y con por canalisa esakinan pa por yega na solucionnan mas lihe cu ta posibel. Bisiñanan ta wordo avisa di su bishita y boluntariamente ta inclui nan adres den e recorido cu Eman ta haci. Tin biaha esaki por tuma mas tempo di loke a spera, pero ta juist dor di e sensacion cu su presencia ta causa den e bisindario. No ta solamente habitantenan di cas cu no tabata programa cu ta pidi pa Mike Eman pasa cerca nan un rato, pero tambe e autonan cu ta pasa ta para pa cuminda nos Prome Minister. Sea cu nan ta di e bario cu ta bishitando mes, of ta djis pasando eybanda pa casualidad, casi tur ta para pa cuminda, baha for di auto pa brasa y sunchi e. Naturalmente e muestranan di aprecio aki ta bin compaña pa palabranan di elogio pa e trabou cu e como Prome Minister y henter su gabinete ta haciendo pa nos pais. E variedad di topico ta multiple paso ta hopi e gobierno aki a haci den cuater aña. Tambe tin personanan cu no kier perde e oportunidad di tin e mandatario asina cerca, pa haci referencia na necesidadnan personal, general of specificamente di e bario mes. P'esey Premier Eman ta cana hunto cu representantenan di departamentonan publico manera GKMB, Sociale Zaken y Serlimar, pa duna un man y duna atencion imediato. Den e caso di San Miguel, cual ta e bario cu Prome Minister Mike Eman a bishita mas reciente, un momento e programa di e mainta a keda stagna pa e tantisimo persona cu a yega na un punto determina pa bin cumind'e y felicit'e. Nan tabata sali for di casnan cerca y leu; baha for di auto y te hasta un taxi van a baha cu turistanan. E chauffeur tabata na caminda pa airport y el a menciona na su pasaheronan cu ‘the Prime Minister is here’ y como cu nan ta bishitantenan cu tin masha tanto aña biniendo Aruba, nan conoce Mike Eman caba y a insisti pa e taxi stop un rato. Nan a baha y cuminda nos prome mandatario rapidamente expresando nan felicitacion pa e gestion di gobierno cu e ta hibando y tambe deseando e hopi exito e aña aki, como cu nan sa cu tin eleccion den porta. For di momento cu e ta baha di auto, ora cu e ta bishita y rindi honor na e baluarte di bario, durante su recorido y te na e ultimo cas cu e ta bishita y caminda ta comparti un almuerzo; Prome Minister Mike Eman ta keda rondona pa un aura masha positivo mes. Te hasta den varios ocasion, sostenenedonan conoci di partido di oposicion y otro partidonan politico, tambe ta habri porta p’e y cumind'e y combersa cune. Di un manera sincero y respetuoso nan ta intercambia di opinion y semper e ta keda cu un mente habri pa tende sugerencianan, sin mira for di unda nan ta bin. Ya ta pa varios aña caba cu Prome Minister ta haciendo su bishitanan di Accion di Bario y e peticion di numeroso barionan cu kier bin na remarke ta cada bes mas largo. Poco poco lo purba yega na tur. Loke si no por tin duda di dje, ta cu Prome Minister ta balora enormemente e reaccion cu e ta haya di su pueblo y ta mas bien encurash'e pa e sigui traha duro, manera el a bin ta haci durante ultimo añanan.

gallery1 gallery1 gallery1

Comentarionan (1)Add Comment
Parkietenbosero.
February 09, 2013
201.229.42.184
Votes: +2
...

Ki dia nos Prome Minister ta yega banda di Parkietenbos y vicendario ?
Nos di e barionan aki ta manda un invitacion cordial pa bin biS**ta nos tambe y alavez pa bin admira nos "Green Hill" cu dia pa dia ta birando mas grandi, mas halto y mas GREEN, pa no papia mes di e huma y dushi holo.
Please laga nos sa ki dia nos por spera Prome Minister aki banda.


Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter