Tuesday, 30 September 2014
Gobierno: Ronny Croes gratamente impresiona pa bishita di Prome Minister Print E-mail
Friday, 08 February 2013 23:04

San Miguel IMG 5232
Entre e casnan cu cordialmente a habri nan porta y ricibi Prome Minister Mike Eman den su bishita na e bario di San Miguel na Noord, ta haya e residencia di famia Croes. Presente e momento ey tabata Sr. Ronny Croes hunto cu su señora esposa como tambe su señora mama, Ines Thijzen. Prome Minister a sinta den e bunita porch pa combersa un rato y conoce nan un poco miho como habitantenan di e bario.

E bishita cu a dura algun minuut, a laga un impresion hopi positivo atras cerca Sr. Ronny Croes. El a comenta cu “E ta haci hende alegre paso bo ta haya un atencion special pa bo.” El a añadi cu “Tur e otro añanan, otro partidonan no sa bin akibanda mes.” Particularmente el a tuma nota di e sensibilidad y comprension cu e mandatario tabatin den su trato pa cu su señora mama. Sra. Ines Thijzen tin casi 84 aña y ta viuda di defunto politico Oswaldo Croes. “E atencion cu e tabatin. Mi mama mes a keda hopi contento,” Ronny a expresa. Adicionalmente a indica cu e ta hopi contento di por mira con un Minister, lider di gobierno ta corda riba su pueblo. “Bo ta ripara cu e ta bishitando hopi bario caba. Awo a toca turno na San Miguel.” Croes a conta cu e y Prome Minister Mike Eman a intercambia idea tocante di e bario. E bisindario ta boga pa construccion di trottoir paso e caminda ta uno largo y hopi transita. Tambe nan kier mira pa pone algun ‘sleeping police’ moda cu e autonan cu ta gusta core duro riba e caminda aki cu ta conecta Bubali y Palm Beach, ta haya nan mes obliga di baha velocidad. En general famia Croes ta di opinion cu e maneho di Gabinete Mike Eman ta uno hopi positivo. “Cosnan cu otronan no a logra, cu nan a priminti pero no a cumpli; esaki si ta logrando. Sr. Ronny Croes a admiti cu nada den bida ta perfecto ora cu e ta bisa cu “naturalmente bo tin bo ‘ups and downs’, pero mi ta wak hopi positivo.”

Comentarionan (1)Add Comment
serapio di mahuma
February 09, 2013
201.229.71.160
Votes: +5
...

Ronnie ta un fiel AVP. Lastima tempo cu AVP tabata den gobierno, nan no a hasie HOOFDverificateur der I&A. Esei ta keda un lastima pa un homber cu a traha sincero y sin destingui color di signatura di gobierno.

Gratamente impresiona cu biS**ta di su lider di partido.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter