Despues cu a introduci un maneho nobo den Santa Rosa, por a nota cambionan positivo y cual awe nos por confirma mediante cifrasnan financiero cu resultado impresionante. Den pasado Santa Rosa tabata un departamento cu pa falta di atencion y fondonan nessecario, no a ricibi e opportunidad di desaroya y mehora. Na Aruba, hopi ta esnan cu no tabata sa mes di e existencia di Santa Rosa of no tabata sa e importancia di nos sector primario. 

Awendia por aprecia cu despues cu un plan di concientizacion a wordo estableci door di e maneho nobo y e mehoracion di e aspect operacional di e departamento, por a nota un crecimento impresionante den e cantidad di personanan cu awendia ta opta pa cuminsa planta, cria bestia, pisca y practica hopi otro actividad cu e meta pa produci cuminda saludabel. Esaki sigur ta un tradicion di nos grandinan pero cu awendia a bira un nessecidad pa tur pais incluyendo nos isla.

Den 2012 Santa Rosa tabata tin un cantidad di projectonan exitoso manera e Mercadonan di
productonan local na unda cu por a nota un crecimento enorme den e cantidad di productonan
fresco cu awendia cu ta wordo produci y ofreci na e comunidad di Aruba, un plan pa renovacion
di posnan di awa dushi , Tienda Santa Rosa cu un cantidad di productonan moderno y na un
prijs reduce pa sostene nos cunukeronan, expansion di e fleta di Santa Rosa cu 2 watertruck y
1 dumptruck nobo y diferente otro equiponan moderno pa mehoracion di e servicionan ariba
e tereno di plantacion y cria, a establece un seccion di Apicultura den Santa Rosa pa inicia cu
produccion di honing, a busca un cantidad di bestianan nobo for di Merca pa engrandece cria
na Aruba.

Tambe a organiza y participa den diferente projectonan di concientizacion como tambe
diferente opendagnan educativo, projecto di mehoracion di piernan pa piscadornan,
Greenhouse Project na Santa Rosa a wordo aproba door di Minister Oduber, Registracion di tur
productornan local como parti di e programa “Amigonan di Santa Rosa” y varios projectonan
cu diferente scolnan y NGO’s pa yuda motiva y establece un produccion di cuminda structura
y produci di un manera responsabel. Durante 2012 por a constata un crecimento enorme den
esnan cu kier cuminsa planta y cria bestia cu a resulta den un cantidad di venta di e diferente
productonan di e Tienda Santa Rosa y pedido pa trabounan ariba tereno como den e diferente
cunucunan rond di nos isla. E demanda pa tabata uno hopi grandi y tambe e trabounan di ara y
ploeg. Pa loke ta cria, Santa Rosa a busca un cantidad di articulo pa huzo den cunucu pa yuda e
criadornan y cunukeronan den nan trabounan diario.

Tur esaki a conduci cu e demanda pa e productonan y servicionan di Santa Rosa a crece y awe
nos por aprecia un crecimento di 35% den e entradanan financiero pa e Departamento cu ta
un total di Afls 514.403,38. Esaki ta prome biaha cu Santa Rosa ta logra produci asina hopi pa
e caha di Gobierno y ta spera cu pa 2013 esaki lo por crece ainda mas. Pa e prome luna di 2013
caba e Departamento a genera Afls 46.789,12 compara cu Afls 26.991,73 cu a ser produci den
2012 cu ta 73.3% mas cu e ana anterior. Esaki danki na e interes y demanda cu tin awendia
pa e servicionan y productonan cu Santa Rosa ta bende na un prijs special. Pa loke ta trata
e cantidad di carni fresco produci door di e criadornan local, e rapport annual di Veterinaire
Dienst & Abbatoir tambe a confirma cu e cantidad di bestia cu a wordo sacrifica durante 2012 a
subi cu mas di 40% compara cu 2011.

Comentarionan (1)

Mustra/Kita comentarionan

...

Pabien bunita trabow, si mester zorg pa saca e problema grandi den santa rosa afor aisha esser cu ta kere ta e ta e directora de sta rosa, blo problema e ta cu su poletiek verziek. sake afor nos por bira hopi mas grandi pa plaka di gobierno. solamente kier sinta sin hacinada gana boshi overtime sin traha pe. pone afor mas liher cu ta posible.

machete rooi taki , February 10, 2013

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi