Saturday, 25 October 2014
SVb a habri 8 centro pa ricibi formulario pa cobra “extra” Reparatie Toeslag Print E-mail
Sunday, 17 February 2013 22:16

IMG 9645

“Nos ta cla pa cuminsa ricibi e peticionnan pa e extra Reparatie Toeslag cu Gobierno di Aruba ta paga na pensionadonan mensualmente”, asina Ir. Edwin Jacobs, director di SVb a duna di conoce diasabra. Ey el a reuni cu un grupo di e ekipo special cu lo traha den centronan di bario pa ricibi e pensionadonan cu nan peticion cu entretanto mayoria a ricibi caba na nan cas cu Postkantoor.

Manera ta conoci, Gobierno di Aruba a anuncia cu ta paga un “Extra Reparatie Toeslag” di 50 florin pa luna desde januari 2013. Pero, e “toeslag” aki ta conta solamente pa e pensionadonan cutin e pensioen di biehes di SVb como nan UNICO entrada mensual. Tur pensionado cu tin otro pensioen, of cu ta traha, of ta ricibi placa di huur di apartamento, cas, etc, no ta bini na remarca pa e 50 florin adicional pa luna. Como tal, a manda un carta pa tur pensionado di SVb cu un formulario cu nan mester yena, SOLAMENTE si nan ta bini na remarke pa e “Extra Reparatie Toeslag” aki. Den caso cu bo tin mas entrada, bo no mester yena e formulario y no mester entreg’e tampoco. SVb ta kere cu entre 10 pa 11 mil pensionado ta bini na remarca pa e suma adicional aki, cu nan lo ricibi den e pensioen di april cu forsa retroactivo. Pero, nan mester entrega e formulario yena y firma na un di e 8 centronan cu SVb ta uzando pa por ricibi e formulario aki bek. Tene cuenta cu e pensionado mes no mester entreg’e personalmente, pues e por laga un famia, un bisiña of cualkier hende entreg’e pe. Contal e ricibi e comprobante si cu el a entrega su peticion. E centronan lo ta habri desde dialuna 18 di februari for di 12or di merdia pa 8or di anochi. Na Oranjestad na Centro di Bario Playa Pabao; na Dakota na Centro di Bario Dakota; na San Nicolas na Santa Theresita Center; na Noord na Centro di Bario Noord; na Tanki Leendert na Centro di Bario Tanki Leendert; na Savaneta na Centro di Bario Savaneta; na Piedra Plat na Centro di Bario Piedra Plat y na Santa Cruz na Club Estrella. Pa mas informacion por email info@svbaruba.org">info@svbaruba.org of yama 527-2760.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter