Sunday, 14 September 2014
Gobierno: Pensionadonan ta haya 50 florin extra riba nan pensioen di behez di AOV Print E-mail
Sunday, 17 February 2013 23:15

pensionando

E protocol di e Dialogo Social cu a keda firma na luna di november 2012 ta contene temanan importante cu ta yuda esnan di menos entrada y na mes momento ta hisa e poder di compra di e comunidad aki. Prome Minister Eman cu masha satisfaccion a splica un aña prome a introduci un reparatietoeslag pa tur pensionado cu tin un entrada di AOV.

Personanan cu ta registra na SVb cu tin derecho riba un pensioen di behez a haya 50 florin e tempo ey di reparatietoeslag. Den Dialogo Social un bes mas a dicidi pa aumenta e Afl.50 aki cu 50 florin mas, pero unicamente pa esnan cu tin un entrada di AOV so. Na Aruba tin varios hende cu tin un AOV, pero banda di esaki tin sea un otro pensioen of un otro entrada mas. Nan no ta bin na remarke pa e aumento adicional di 50 florin, pero si pa otro beneficionan cu a keda acorda pa yuda e grandinan cu a construi e fundeshi di economia di Aruba. Prome Minister Eman ta splica cu banda di e redoblacion di e reparatietoeslag pa e pensionadonan di AOV a bin cu otro beneficionnan adicional. El a splica cu pa esnan cu tin un pensioen di AOV y banda di esaki tin un otro pensioen of otro entrada hopi bes ta wordo confronta cu cobransanan di belasting cu ta bin despues dor cu nan a cay den un diferente bracket. Eman “Pa e personanan aki tambe nos kier a busca un solucion. Nos kier a bin un alivio pa esnan cu ta cay den un categoria di entrada no mas halto cu Afl.35 mil florin pa aña. E pensionado cu tin un AOV y un entrada adicional cu no ta surpasa 35 mil florin pa aña ta bay haya un asina yama ‘ouderenkorting’ di Afl.3.500,00 adicional. Ya caba tin un ouderenkorting di 6.500 florin”. E pensionado awor mester conta su entradanan hunto y disminui 6.500 florin, despues wak den ki categoria di belasting e ta cay. Si e suma di entrada e ora no ta surpasa e 35 mil florin pa aña, anto e pensionado por haci uso di e ouderenkorting di 3.500 florin cu sigur ta bay yuda hopi pensionado. Eman ta splica cu poco poco ta mehorando e posicion di cierto gruponan na Aruba. Esaki ta wordo haci cu introduccion di e diferente reparatietoeslagen, e diferente reduccionnan cu ta wordo duna pa di e forma aki mehora e posicion tanto social como economico pa e gruponan vulnerabel aki na Aruba. “E gobierno aki a percura pa e pensionadonan di gobierno tambe haya ahuste di nan pensioen. Prome Afl.105 cu a wordo completa y despues un bes mas e suma di Afl.105 y despues Afl.140 reglando asina un situacion cu tabata penoso. Gabinete Mike Eman no ta haci promesanan so, pero ta cumpliendo cu nan. Prome Minister Mike Eman ta declara cu despues di hopi aña di no a conoce cambio den AOV durante e gobierno anterior esaki ta un muestra cu porfin tin atencion pa e poder di compra di pensionadonan tambe. Hunto cu reduccion di prijs di awa cu 30% y luz di 15% tur esaki ta yuda e pensionado. Naturalmente e perdida durante gobierno anterior tabata grandi cu tanto medida, pero poco poco nos ta ta spera di por yuda tur hende atrobe bin bek riba pia”, Minister President Mike Eman ta expresa.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter