Sunday, 21 December 2014
Rudy Lampe: Tabata orador invita na Universidad na Alemania Print E-mail
Monday, 18 February 2013 08:13
Comparti
DSC_2063
Di 14 pa 16 di februari 2013 a tuma lugar na Universidad di Mainz, Alemania, e encuentro academico internacional tocante “E mundonan politico y cultural di Caribe, Un laboratorio di globalisacion”.

E profesornan di Universidad di Mainz cu ta dedica na investiga America Latina a tuma e iniciativa aki. Pa mas di un decada caba ta tuma lugar tur aña e encuentro aki.

Den pasado e topico tabata e pais Brasil of Colombia of un otro pais. Riba proposicion di Rudy Lampe a disidi na 2012 pa dedica e encuentro aki na e region di Caribe. E motibo cu sr. Lampe a trese dilanti tabata e hecho cu na augustus 2012 diferente pais di Caribe ingles a celebra nan 50 aniversario di independencia, manera Jamaica y Trinidad. Pesei a analiza ampliamente durante e encuentro aki e situacion di Jamaica, hasta a presenta e pelicula di 40 aña pasa The Harder They Come (Jamaica, 1972).

Tambe a analiza e issue di independencia. Rudy Lampe a tene un discurso tocante e problematica di territorionan no-independiente den Caribe. Rudy Lampe a mustra riba e hecho cu Francia a duna derecho igual, cu francesnan ta goza di dje, na tur ciudadano di islanan frances, mientras cu Hulanda ta trata ciudadanonan di islanan BES como ciudadano di segunda categoria cu no tin derecho igual cu hulandesnan na Hulanda. Riba portret por mira e momento cu sr. Lampe ta duna su presentacion.

Durante e encuentro aki Rudy Lampe a haya oportunidad di conbersa cu sr. Jorge Garcia, vice-consul di Republica Dominicana na Alemania. Y tambe sr. Lampe por a intercambia di idea cu e famoso escritor Louis-Philippe Dalembert, considera un di e miho escritornan contemporaneo di Haiti, kende a papia di e business cu a keda haci cu sufrimento di pobernan despues di e terremoto di februari 2010 y cu e placa di solidaridad pa gran parti no a jega pa e pueblo haitiano.

Comentarionan (3)Add Comment
Crudo
February 19, 2013
201.229.17.32
Votes: +1
...

Si nos laga color di partido afo nos ta hanja cu nos mester of ta jega e ora di valora nos mes un politieke talent nan cu nos tin wel Rudy ta un di nan Talvez hopi di nos no sa su achtergrond ta solamente cu pa Arua no ta posibel pa un hende cu bira pasto no mag di drenta politiek,mira con e dos politieka cu a casa cu e mes un sexo ningun hende ta tira na nan cara (lesbies) dicon...sinja midi cu e mes un linial....esei nos mester haci tin hopi bobo...ta cana rond y sin sa en verdad nan trabow...

e berdad prome
February 18, 2013
201.229.47.143
Votes: +2
...

E ora e por legalisa marijuana si e bira presidente di un Aruba pais independiente den Caribe, e por cuminsa dicta mescos cu esun pazuid.

The Observer
February 18, 2013
201.229.27.72
Votes: +2
...

Wel, obviamente otro mas cu ta busca independencia di Aruba... Nos por anaysa kende tur ta pertence na e mesun grupo "secreto" cu probablemente lo kier bira doño di Setar, WEB, ELMAR, Postkantoor, Aeropuerto, etc... Of no??? Dios sigur lo ta observando tur cos...Y Hesus Yiu di Dios lo no keda sin revela Su mes sin previo aviso...

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter