| Talentonan scondi a resalta durante e audicion di ‘abo so’ |
 |
 |
| Monday, 18 February 2013 10:00 | ||||||
 Diadomingo cu a pasa a tuma lugar e audtion pa e pelicula ‘Abo So’, mas di 50 persona a registra online pa audition.
For di mainta te cu atardi e participantenan a presenta nan monologo y a canta un di e cancionnan di Padu. E huradonan cu tabata consisti di Tica Giel, Nathalie Biermanns, Rebecca Roos y Juan Francisco Pardo a keda masha contento cu e acogida y e entusiasmo di e participantenan cu sin duda a presta lo miho di nan mes. Aruba tin hopi talento scondi y pa es motibo a realisa e proyecto ‘Tribi Soña’ pa duna e oportunidad na tur esnan cu kier ta creativamente bezig. Ademas e proyecto ta un plataforma unda cu personanan por desaroya nan talento. Un total di 28 persona a keda selecta pa ricibi un screen acting workshop completamente gratis danki na e sosten di Fonds voor Cultuurparticipatie. Fundacion AVI & Rebecca Roos Productions kier a gradici tur e hurandonan y specialmente na señora Amy Yrausquin-Roos y Danilo Geerman pa e apoyo brinda y tambe un danki special na Elvis Lopez di Ateliers ’89 cu a steun e proyecto for di prome instante.
Aunke e workshop di screen acting ta completo, tin luga habri pa e otro workshopnan, pa e personanan cu ta desea di forma parti ainda di e proyecto ‘Tribi Soña’ y di e film ‘Abo So’. E workshopnan cu luga disponibel ta e TV/Film Production y Music Production workshops. Inscripcion pa ambos workshop ta costa unicamente 75,- florin, e workshopnan ta di 5.30 pa 8 pm. TV/Film production ta for di 18 di februari te cu 03 di maart y e workshop di Music production ta inicia dia 04 di maart te cu 22 di maart. Pa inscribi pa ambos workshop por bishita e website www.tibi.net
|
Mustra/Kita e formulario di comentario
