Friday, 18 April 2014
Bo kier cuminsa haci movecion, pero no sa unda ni con? Cu e programa di “Freepass Workout” organisa pa IBiSA bo por cuminsa Print E-mail
Monday, 18 February 2013 12:47
DSC_2063
Instituto Biba Saludabel y Activo, IBiSA ta organisa hunto cu diferente club, instancia of organisacion un dia gratis cu bo por practica y/of participa na e club of na un actividad di movecion.

Esaki ta un idea cu a origina for di e departamento di “Deporte pa Un y Tur” di IBiSA, pa duna opcion y posibilidad pa nos hendenan haci movecion y na un estilo varia.

E “freepass workout” ta duna na abo cu ta desea di participa e opcion pa gratis tuma parti na e actividad. E prome actividad di “freepass workout” ta inicia dialuna 18 di februari 2013 y e ta tuma lugar na XTreme Train Club cu ta situa den Steenweg na Oranjestad. E orario pa esaki ta for di 7’or p.m. pa 8’or p.m. E Club aki ta uno multi-funcional, pues ta specialisa su mes den diferente ramo di movecion y durante e ora aki bo por goza libremente di su facilidadnan cu e ta ofrece.

Ta hopi importante pa haci movecion pa mantene un bon condicion pero principalmente pa goza di un salud excepcional. Automaticamente esaki ta pone cu lo bo sintibo feliz y contento. IBiSA den su afan pa logra su vision cu ta “Crea y mantene un Aruba sano y activo” ta sigui traha riba su mission y ta “Promove den comunidad un bida saludabel y activo”. Cu e programa di “Freepass Workout” ta duna oportunidad na comunidad di Aruba sigur pa cuminsa haci movecion. Esaki por, den forma di practica un deporte pero tambe participa activamente na un of otro actividad di movecion. E programa di “Freepass Workout” ta inicia awe na XTreme Train Club, pero tin varios otro Club y of instancia cu tambe ta participa na e programa pa comparti cu comunidad di un forma gratis.

IBiSA pa medio di e comunicado aki ta informa na otro Club, organisacion of instancia cu tambe ta desea di contribui na e programa di “Freepass Workout”, cu nan por tuma contacto libremente cu sr. Juni Dake na oficina di IBiSA na telefoon: 582 49 87 of tambe via e-mail na: juan.dake@aruba.gov.aw". IBiSA ta invita un y tur pa acudi awe pa 7’or p.m. na Xtreme Train Club y probecha di e oportunidad gratis cu ta keda ofreci pa bo haci movecion. Tur “Freepass Workout” ta programa di antemano riba e calendario di evento 2013 di IBiSA. Keda pendiente pa e proximo “Freepass Workout” cu ta tuma lugar dia 27 di februari 2013 na Compleho Deportivo Yara na Savaneta na encargo di Denise Krozendijk.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter