Sunday, 21 September 2014
Rubin Ponson: DOW lo bay sigui cu trabaonan pa cuminsa cu proceso pa basha e cas den La Sallestraat/Van Leeuwenhoekstraat abao Print E-mail
Monday, 18 February 2013 14:14

front

Segun controlado di DOW, sr. Rubin Ponson for di aña pasa a cuminsa haci trabaonan pa basha e dos casnan cu ya tabata propiedad di gobierno cu ta keda na skina di De La Sallestraat/Van Leeuwenhoekstraat, pero DOW por a ripara cu esun cu a wordo basha prome tabata un di nan cu ya chollernan a drenta den dje y cuminsa cende esaki na candela formando peliger pa bisiñanan.

Awor aki cu e trabao ey a wordo haci, e situacion a surgi na e bisiña, esta otro banda di caminda. DOW lo bay sigui cu e trabaonan pa caba di ruim op e cas e ora pa bash’e abao.

Segun sr. Ponson, e cas den J.G. Emanstraat cu enberdad e situacion ta tiki mas facil pa DOW mirando cu ta propiedad di gobierno pa asina bash’e abao. Esun den La Sallestraat, ta di un doño caminda tin un procedura y cierto trabaonan pa haci riba dje prome cu yega pa bent’e abao. Lo bay tira un bista riba dje mirando cu tin diferente biaha tambe caminda e ta wordo cendi na candela. Esaki por haci cu e cas no ta den un condicion pa drecha ni pa hinca hende aden atrobe, caminda cu tin chens cu DOW por tuma un decision di declara asina ey “bouwvallig” y obliga e doñonan e ora cu e mester wordo basha abao.

Tin diferente bario rond di Aruba caminda cu tin casnan cu a wordo declara inhabitabel. DOW ta bezig cu tipo di accionnan aki. Den caso cu e ta bira un peliger pa e vecindario, segun Ponson, mester tuma medidanan mas rapido riba dje.

Den casonan cu tin casnan cu no ta habitabel mas, por tuma contacto cu oficina di City Inspector cu semper ta na ordo y nan lo tuma contacto cu e departamento pa haci cierto trabaonan. Tambe por tuma contacto cu DOW pa haci cierto trabaonan na e cas.

gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter