Wednesday, 27 August 2014
Parlamento Hubenil tambe participe den Debate Nacional I Love My Body 2013 Print E-mail
Monday, 18 February 2013 15:30
DSC_2063
Dia 23 di februari 2013, a tene lugar den Cas di Cultura e Debate Nacional I Love My Body 2013. E Debate Nacional ILMB 2013 a cuminsa na e ora exacto di 5’or di atardi unda cu nos a presencia un sala yen cu miembronan di famia y cu diferente alumno y maestronan di scol participando.

Tambe nos tawata tin un cuerpo di hurado di 5 diferente pesona cu figuranan relevante e.o. Parlamentario Marisol Lopez-Tromp, Mr. Lake di Jeugdzeden Politie, Mr. Maduro di El Faro, Sra. Labad di Wit Gele Kruis y e Presidente di hurado sin derecho di voto cual ta di Fundacion Parlamento Hubenil Sra. Koolman. E dia aki tawata tin 4 scol participando cual ta : Filomena College, Colegio Arubano San Nicolas, La Salle College y De Schakkel College. E atardi a cuminsa cu nos Himno y Bandera, despues a sigui pa e prome rond cu cada scol a haya e oportunidad pa presenta un powerpoint,poema,video of algo otro treciendo e problema di nan ponencia dilanti. Segundo rond tawata e debate entre scol Filomena College vs. Colegio San Nicolas y La Salle College vs. De Schakkel College. E di tres rond pa cu e Evento aki e participantenan mester a traha un plan y presenta esaki na e miembronan di hurado y na e publico presente. Nos di Fundacion Parlamento Hubenil ta contento di por a mira un debate profesional haci pa nos mesun participantenan y cu argumentonan valido. Pa finalisa e Evento nos mester a saka e ganador maximo cual a keda den nomber di: Colegio Arubano San Nicolas. Segundo lugar: De Schakkel College, Tercer lugar: La Salle College y di Cuatro lugar: Filomena College.

Fundacion Parlamento Hubenil Aruba ta recorda tur e participantenan, cu cada un di nan ta un ganador riba nan mes di djis para riba e esenario y duna lo mihor di nan mes pa e progreso di nos isla y lo mas importante pa mehoracion di nos Hubentud. Kier a duna Famia Planea pabien pa cu un evento exitoso y un danki grandi na Presidente y na tur e miembronan di Fundacion Parlamento Hubenil cu a percura pa cu e parti organisatorio pa cu e Debate Nacional I Love My Body 2013.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter