| City Inspector Marlon Pietersz: Famianan tin dificultad pa paga tumbamento di cas |
 |
 |
| Monday, 18 February 2013 15:38 | |||||||||
 Riba e crusada La Sallestraat/Van Leeuwenhoekstraat tin dos cas cu ta proyecta pa wordo basha abao. Un di nan ta situa riba un tereno priva y te cu asina leu, e doñonan di e cas no kier paga pa esaki.
Segun Director di Bureau City Inspector, sr. Marlon Pietersz, e situacion aki ta peculiar pasobra tin hopi heredero. A tarda basta prome cu a dicidi cu nan a duna un OK pa haci cierto cos na e cas, esta pa cera e hanchi y pa baha un dak, pero si por a wak e caso aki di e cas aki, e ta di un famia basta grandi. E cas den varios ocasion a pega candela y a bira bouwvallig di tal moda cu ta forma un peliger pa e vecindario y cualkier hende cu dicidi cu kier bay drech’e. Di loke por wak, personal di DOW a mira e situacion y a laga otro hendenan di DTI wak’e y a conclui cu e cas no ta apto pa biba aden. Conclusion ta cu tin cu bent’e abao. Pregunta na e famia aki ta pa si por tumba e cas abao. Famianan a bay di acuerdo, pero segun nan, nan no por carga e gastonan. Segun sr. Pietersz, e cas ta riba un tereno propiedad y no lo ta facil. E famianan mester cubri e gastonan of e gastonan mester wordo cubri door di otro hende. Segun e City Inspector, esaki lo mester wordo delibera entre gobierno y e famia pa mira ken lo carga cu e gastonan of por lo menos parti di dje pa por tumba e cas. Tin mas cas den e mesun situacion aki. Sr. Pietersz ta urgi famianan cu ta den e mesun circunstancia pa tuma medida awor aki, pasobra esaki lo bira dificil di parti di gobierno y Bureau City Inspector pa tuma e decision pa tumba e cas abao. Una bes cu tuma e decision, ta keda un gasto basta grandi. Pa tumba un cas abao ta core den paar di mil florin sigur.
Comentarionan (6)Mustra/Kita comentarionan ...
Porta nos na Aruba mester pensa pa cambia e ley nan pa caso nan asina, cu si no benta e cas abow e ora e cas nan aki ta ba in beslag di Gobierno pa asina bende nan of ofrece nan na otro famia nan omo erfpacht. E no ta gusto cu bisinanan mester soporta e situashon aki i cu nan cas por devalua door di e cas nan aki cu no ta wordo manteni i cu awor ta peliger pa e becindario.
,
February 18, 2013
...
E cas aki pa masha tempo ta propiedad di GOBIERNO!
Ela wordo tuma den beslag di su 2 donjonan pa debe di belasting! No tin nada cuenta di mucho donjo y jen storia! Dus mester busca drechi pa sa cu ta GOBIERNO mes ta tolera e situacion aki!!!!
,
February 19, 2013
...
E cas aki pa masha tempo ta propiedad di GOBIERNO!
Ela wordo tuma den beslag di su 2 donjonan pa debe di belasting! No tin nada cuenta di mucho donjo y jen storia! Dus mester busca drechi pa sa cu ta GOBIERNO mes ta tolera e situacion aki!!!!
,
February 19, 2013
...
Di acuerdo cu Gerry, mester modifica e ley(nan) vigente. Bende/lease e terreno y kita e gastonan for di e placa ey. Asina ey bo ta hanja cu e donjonan ta busca solushon mesora! Y si ta placa nan no tin, no tin nada di reclama.
,
February 19, 2013
...
E situacion na aki ta comun na Aruba. Tin hopi cas verval cu no ta wordo habita y cu ta forma un target facil pa e adictonan. Nan ta bira un problema grandi pa e medio ambiente y esaki mester din un solucion. Hopi biaha e ta bin door di negliencia y iresponsabilidad di e donjo(nan). Nan no ta worry mucho cu e propiedad y nan ta spera cu un dia e balor di tereno dimes lo subi pa buta cos na benta. Pero e contrario ta e caso. E balor di e propiedad ta baha drastico y e bisinjanan ta mira nan vecindario bay atras y bira menos atractivo. Cobierno na ta of no por haci nada?. Wel bin cu un ley di prevencia. Un ley di control. Casnan verval mester wordo protehi contra adictonan y OM mester actua riba esaki.E donjonan mester proteja, drecha of bende e cas dentro di un tal periodo. Sino paga boet.
,
February 19, 2013
Duna Comentario y/of Comparti riba Social Medi |
Mustra/Kita e formulario di comentario
