Tiara Air Aruba ta lansa su website nobo

Monday, 18 February 2013 15:47

For di un par di siman caba esnan cu lo a subi website di Tiara Air Aruba por a wak un cambio grandi unda cu e website actual a haya un upgrade completo.Mientras a monitor cu tur cos tabata trahando bon awe Tiara Air Aruba por bisa cu e website nobo pa clientenan, www.tiara-air.com, cu ta fortalece Tiara Air Aruba su posicion y servicionan den Caribe, Latino America y Merca ta un realidad. E lo keda traha riba varios otro aspecto entre otro e booking engine, packages etc.

E website ta duna pasaheronan y comerciantenan acceso na tur destinacionan cu Tiara Air Aruba ta bula y mucho mas cu ta facilita clientenan pa haci reservacionan.

Malinda Hassell, Marketing Manager di Tiara Air Aruba:”Tiara Air Aruba ta hopi contento cu e website nobo. Den un mundo cu ta cambiando di mercadeo tradicional pa digital. E ta hopi importante pa sigui cu trends pa tin un website visibel, accesibel y cu ta facil pa cliente usa.

E website nobo ta ofrece mihor servicio na clientenan nobo y exsistente cu ta amplia e conocimento pa diferente servicionan y destinacionan. Asina pa clientenan por plania y reserva nan vuelo online, ricibi ofertanan special, ricibi updatenan di vuelo y mucho mas! Tambe e website lo tin mobile friendly version y den Spanjo pa sirbi e mercado di Latino America cu ta cresiendo.

Tiara Air Aruba ta contento di por a traha huntu cu e compania renombra Expandeer. Kristjana Thorvalds, Directora di Strategianan Diginal na Expandeer.com ta expresa su opinion: “Nos ta hopi honra cu e oportunidad aki pa traha cu Tiara Air Aruba, un aerolinea cu ta progresando. Nos meta principal tabata pa crea un experencia di primera clase pa e clientenan cu ta bishita nan online. Plania bo vakantie of bo biahe di negoshi riba e website nobo di Tiara Air Aruba.

Expandeer ta un agencia di mercadeo digital cu ta specilisa den automatisacion, servicionan digital y contenido social. Nos ta yuda companianan cu kier traha mas leu cu na manera traditional y nos ta implementa solucionan pa por calcula e ganashi mas rapido y por tuma decisionan a base di esaki.

Expandeer ta localisa na Hulanda, Amsterdam cu teamnan cu ta consulta na Argentina y Aruba. www.expandeer.com

Pa mas informacion subi tiara-air.com y experiencia e website nobo.