Thursday, 30 October 2014
Banco Central: Porcentahe actual di e tasa di “reserve requirement” y di e “advance rate” ta keda mescos Print E-mail
Monday, 18 February 2013 17:11

centrale bank van aruba

Durante su reunion riba 17 di Januari 2013, e Comision di Maneho Monetario (CMM) di Banco Central di Aruba (BCA) a dicidi di mantene e porcentahe actual di e tasa di “reserve requirement” (11 porciento) y di e “advance rate” (1 porciento) fiho, despues di a evalua e datonan economico y monetario mas recien.

Un di e consideracionnan mas importante pa e maneho monetario aki ta cu e reserva di divisa (incluyendo diferencianan den revaluacion di oro y reservanan internacional) a crece cu 6,6 porciento compara cu December 2011. E reserva di divisa a keda riba un nivel adecua compara cu e “GDP” y e cantidad di placa den circulacion, como tambe ora midie den e cantidad di lunanan di cobertura di e reserva di divisa di e pagonan relaciona cu e cuenta coriente. Alaves, e tasa di inflacion na final di December a registra un deflacion di 3,7 porciento, despues di un bahada substancial di e tarifanan di awa y coriente, den respectivamente, Augustus 2012 y November 2012. Pa e aña 2012 completo, e tasa di inflacion (promedio di 12 luna) a termina na 0,6 porciento, door cu e aumentonan significante den e tarifanan di awa y coriente na April 2011 (+13,3 porciento) y Augustus 2011 (+12,5 pociento) a causa un acceleracion den e tasa di inflacion durante e prome tres lunanan di 2012, prome cu e la stabilisa na April 2012. Esmas, e bahada menciona den tarifanan di utilidad na Augustus y November di 2012 a conduci na un bahada di prijs den e ultimo cinco lunanan di 2012. Inflacion excluyendo e componentenan di cuminda y energia (“core inflation”) a yega -0,3 porciento na December 2012. Na November 2012 e crecemento di prestamo na empresa a fortifica cu 5,1 porciento compara cu December 2011, mientras cu credito na consumidor a mengua cu 0,8 porciento, credito pa construccion di cas a subi cu 3,8 porciento, resultando den un aumento di credito total di banconan comercial di 4,5 porciento. Pa e aña 2012 completo BCA ta calcula cu credito total di banconan comercial a yega un crecemento total di 4,0 porciento. BCA lo sigui observa di serca e desaroyonan di e fundamentonan economico y monetario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter