Sunday, 21 December 2014
SVb y Gobierno ta haci apelacion pa entrega e peticion mas lihe posibel Print E-mail
Monday, 18 February 2013 20:08
Comparti

front2-IMG 9847

Na inicio di januari 2013, Gobierno di Aruba a anuncia cu tur pensionado cu tin como nan unico fuente di entrada e pensioen di SVB (AOV) lo ricibi Afl. 50 extra pa luna. Esaki ta pa compensa e perdida di poder di compra di e pensionadonan aki. Pa facilita e proceso di entrega e declaracion pa ricibi e reparatietoeslag, SVB a habri 8 centro rond Aruba.

Sea e pensionado mes of un representante por entrega e formulario di declaracion yena y firma. E empleado di SVB cu ricibi e declaracion lo duna un comprobante na e persona cu entreg'e. Ya caba un cantidad di hende a probecha di e prome dia y a entrega nan peticion caba. Director di SVB, Ir. Edwin Jacobs a organisa un encuentro cu prensa na apertura di Centro di Bario Dakota dialuna 12'or di merdia pa mustra con e proceso di entrega ta bay. Ya for di un poco prome cu e centro a habri tabatin algun pensionado wardando pa entrega nan formulario. E proceso ta bay facil y lihe y e opinion general di esunnan cu a entrega nan formulario dialuna tabata di aprecio y elogio na tur e centronan. SVb a splica cu e pensionadonan cu entrega nan formulario prome cu dia 15 di maart lo ricibi nan reparatietoeslag di januari, februari, maart y april hunto cu nan pensioen dia 3 di april 2013. E pensionadonan cu entrega nan formulario despues di dia 15 di maart, pero prome cu dia 1 di april lo ricibi e reparatie toeslag di januari te cu mei hunto cu nan pago di pensioen di mei 2013. Ir. Edwin Jacobs a subraya cu e reparatietoeslag extra aki ta un derecho di e pensionado kende tin solamente e pensioen di SVB como entrada. Si e pensionado no aplica p'e prome cu dia 1 di april 2013 e no ta bin na remarca pa ricibi e reparatietoeslag di Afl. 50 pa luna mas e aña aki. Tur pensionado kende tabata registra pa fin di december 2012 pa AOV na SVB mester a ricibi of ta ricibi un carta e siman aki ainda na nan cas, cual ta contene tambe e formulario di declaracion. Na december tabatin 17.141 pensionado registra y ta calcula cu entre 10 pa 11 mil pensionado lo tin derecho riba e “extra” reparatietoeslag. E formulario por wordo entrega pa un famia, amigo of conoci di e pensionado tambe. E siman aki, te cu diadomingo dia 24 di februari, e siguiente centronan ta habri di 12'or di merdia pa 8'or di anochi: Oranjestad - Centro di Bario Playa Pabao; Dakota - Centro di Bario Dakota; San Nicolas - Santa Teresita Center; Noord - Centro di Bario Noord; Tanki Leendert -Centro di Bario Tanki Leendert; Savaneta - Centro di Bario Savaneta; Centro di Bario Piedra Plat - Piedra Plat y Paradera; y Santa Cruz - Club Estrella. Otro siman, di dialuna dia 25 di februari pa diadomingo, dia 15 di maart, e centronan lo ta habri di 4'or di atardi pa 8'or di anochi (4 p.m. - 8 p.m). Na e centronan di entrega tin un foyeto obtenibel cual ta splica mas di e reparatietoeslag. Si tin cualkier pregunta adicional, por fabor tuma contacto cu e departamento di pensioen di SVB na telefon 5272760.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter