| Dominico Kock a hisa bandera na su cas pa Prome Minister Mike Eman |
 |
 |
| Monday, 18 February 2013 20:08 |
|
Prome Minister Eman a keda masha conmovi y gradici pa e gesto di Sr. Dominico di hisa bandera di Aruba na honor di su presencia den e bario. Sr. Kock hunto cu su famia a duna Premier Eman un bon bini hopi caluroso na nan cas. Nan a sinta riba porch y combersa basta largo. Sr. Kock a duna su opinion riba varios topico y Prome Minister a scucha cu atencion. Semper receptivo pa e comentarionan di su pueblo, Premier Eman a haya un splicacion, con na opinion di sr. Kock nan tin cu anda y kico mester wordo haci. A papia tanto di e necesidadnan di e bario, como di henter e isla. “Esaki ta un bario semper rustig,” sr. Dominico a comenta, splicando cu como un habitante di hopi aña di Pos Abou, el a mira e poblacion crece. Tambe e tabatin elogio pa e maneho di Gabinete Mike Eman ora el a expresa cu “Gobierno ta haci su trabou,” bisando acerca cu “Loke mas mi ta aprecia ta cu nan ta yega cerca di e hendenan.” Exactamente esey ta e un di e obhetivonan di Accion di Bario. Te cu aworaki Prome Minister Mike Eman a recore hunto cu departamentonan publico, casi 30 diferente bario for di punta pa punta di nos isla. Pa medio di e accion aki ta busca pa tene contacto directo cu e ciudadano caminda e por vocifera con cosnan ta cana den su area, pero tambe den henter e pais. Adicionalmente ta haci limpieza di e areanan publico di cada luga cu ta bishita y ta canalisa e necesidadnan di e ciudadanonan pa medio di e departamento corespondiente. Nunca prome un gobierno na Aruba a ehecuta un tipo di actividad manera esaki. ‘Accion di Bario’ ta un iniciativa di Prome Minister Mike Eman cu a cay sigur den bon tera cerca tur esnan cu te cu awor a experienci’e. Pa medio di dje a demostra cu Gabinete Mike Eman ta un gobierno di tur hende y cu ta cerca di pueblo na tur momento. Manera Dominico Kock mes a bisa: “Bo por ta di cualkier luga cu ta; di cualkier partido, pero toch bo ta acudi cerca nan.” Accionnan di Bario lo continua y e peticionnan ta grandi pa bishita diferente districto. Oficina di BoBario ta haciendo lo posibel pa yega na tur pronto. Comentarionan (2)Mustra/Kita comentarionan ...
Fasil pa ganja hende nan cu materiaal , hasi Aruba nechi y tambe biS**ta hende su cas djis pa nan voto pero nos tur sa cu Aruba ta den debe cu tanto biaha boso ta via placa di afo! Nigga pls!
,
February 19, 2013
...
Dominico esaki ta e bandera cu e partido moribundo di AVP a vota contra di dje den eilansraad di Aruba, e bandera cu nan a jama bandera di Mep, e bandera cu fanatico di AVP a trapa kibra na werki den Lago Sportpark, bo mester a hisa un otro bandera cu nan ta stima esun di hulanda, pasobra ainda nan tin sanger colonialista den nan curpa.
,
February 19, 2013
Duna Comentario y/of Comparti riba Social Medi |
Mustra/Kita e formulario di comentario
