Friday, 29 August 2014
Gobierno: Gabinete Mike Eman ta duna Pensionadonan Atencion cu hopi Aña nan no a hayav Print E-mail
Monday, 18 February 2013 20:10

mike pensionado

Dialuna a inicia e proceso di registracion di pensionadonan den cuadro di e aumento di Reparatietoeslag. Esaki ta e beneficio financiero di mas reciente den un serie cu Gabinete Mike Eman a introduci desde su huramentacion na final di aña 2009. E Reparatietoeslag ta un instrumento cu a keda introduci na 2011 y cu e aña aki ta conoce un aumento pa tur pensionado cu ta depende solamente riba nan pago di AOV.

SVB a instala varios punto di registracion na puntonan tur rond di nos isla. Esaki mester facilita e proceso pa e pensionadonan entrega nan formulario di registracion. Despues cu ta completa e siguiente proceso, ta spera cu pa fin di april, cada pensionado cu ta cualifica, lo ricibi den su pago di pensioen 200 Florin extra cu ta coresponde na e pago retroactivo di e Extra Reparatietoeslag corespondiente na e prome cuater lunanan di 2013. Despues di esey lo sigui e pagonan mensual di manera normal. Sin embargo Gobierno no ta bira su lomba pa realidad y sa cu e inflacion genera dor di gobierno anterior banda di e medidanan tuma contra pueblo, a pone cu e poder di compra di e ciudadano Arubiano a bay hopi atras. Esey ta pone cu hopi pensionado awendia ta busca un di dos entrada pa por cumpli cu su necesidadnan. E grupo di persona aki no ta bin na remarke pa e aumento nobo di Reparatietoeslag, pero si pa otro iniciativanan manera esun di Ouderenaftrek. E Ouderenaftrek ta traha di e siguiente forma: Gabinete Mike Eman kier a bin un alivio pa esnan cu ta cay den un categoria di entrada cu no ta surpasa 35 mil Florin pa aña. “E pensionado cu tin un AOV y un entrada adicional cu no ta surpasa 35 mil florin pa aña ta bay haya un asina yama ‘ouderenkorting’ di Afl.3.500,00 adicional,” Prome Minister a indica. Mester recorda cu ya caba tin un ouderenkorting di 6.500 Florin. Actualmente e pensionado cu tin un entrada adicional na esun di AOV, mester conta su entradanan hunto y disminui 6.500 Florin. Asina e ta haya sa den ki categoria di belasting e ta cay. Si e suma di entrada e ora ey no ta surpasa 35 mil Florin pa aña, e pensionado ta bin na remarke pa e extra ouderenkorting di 3.500 Florin cu sigur ta bay yuda hopi pensionado riba nos isla. Un grupo cu tambe lo bay conoce un mehoracion, ta esnan cu den nan bida laboral a forma parti di contratistanan di gobierno, of specificamente di DOW y cu awor tambe ta cualifica pa un pension di parti di Algemeen Pensioen Fonds Aruba. Otro punto cu ta masha comenta ta e reduccion di e tarifanan di awa y coriente. Esaki tambe ta representa un alivio enorme pa e grupo di poblacion cu ta depende di pension. Prijs di awa a conoce un rebaho di 30% mientras cu coriente a baha cu 15%; dependiendo di e consumo individual, tin pensionadonan cu a wak nan suma total di servicio di utilidad baha te cu 50%. Pa hopi e porcentahenan aki ta traduci den 100 te cu 300 Florin extra den nan cartera tur luna. Den combersacion cu pueblo durante su bishitanan di Accion di Bario, Prome Minister ta topa cu hopi hende grandi y semper e topico di pension ta bin dilanti. Nan ta gradici Prome Minister Mike Eman pa hunto cu su gobierno a corda riba e hendenan grandi. Ta un satisfaccion di wak con despues di tanto añanan di trabou y esfuerso, nan contribucion na economia y sociedad ta wordo reconoce cu un mehoracion di nan beneficionan social.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter