Wednesday, 22 October 2014
Segun Anthony Geerman, Manager di Tram: Mayoria turista ta baha na final di caya grandi Print E-mail
Monday, 18 February 2013 20:26

Anthony Geerman

Masha importante pa Gobierno, di Gabinete Mike Eman, den e plan di renobacion y revitalisacion di centro di Oranjestad (Caya Grandi) ta cu e comerciantenan na final di caya grandi tambe por mira cara di e turistanan, cu den su mayoria ta cana yega te mey-mey di e centro. Pero tambe mes importante tabata pa conecta e ruta di edificionan historico cu centro di Oranjestad.

E miho forma cu a yega na dje ta incorporacion di streetcar, cu su ruta ta core for di dilanti waf di Oranjestad, pasa den Schelpstraat, bay final caya grandi draai bolbe y yega su punto di salida bek pasando via Havenstraat. Aunke e trabounan den caya ni ley di tram no ta completamente, a studia e posibilidadnan y for di diasabra ultimo e streetcar ta core for di 10’or di mainta pa 1’or di mainta. Den combersacion cu Anthony Geerman, manager di tram, el a splica cu den e poco ora cu nan tabata den funcion den e dos dianan aki, e ta calcula cu a transporta rond di 320 persona, di cual mita ta local y e otro mita ta turista, di barconan crucero. Loke cu e por a constata ta cu hopi hende local ta uza e tram sea pa keiro y bay di un luga pa otro mientras cu e turista ta uz'e pa bay haci compras den centro y bolbe waf mas rapido cu ta posibel. Den e dos dianan cu e streetcar a core, e por a nota cu e lo bira un vehiculo masha popular, principalmente cerca turistanan, cu ta permitinan baha p.e. na e Museo Arkeologico, despues mas laat subi e tram bek pa bay centro y bolbe waf pa subi nan barco crucero. E streetcar, cu awor ta yega te pabou di Burger King, tin seis parada aworaki di cual e ultimo, segun Geerman, ta unda cu mayoria di e turistanan ta baha, esta pariba di Bon Bini Bazaar, cual ta demostra cu e streetcar ta cumpliendo cu e meta di hiba e bishitante na e parti mas pariba di caya grandi. “Mayoria turista ta baha te na final, esta unda nos ta para pa bolbe,” Geerman a splica. Segun e plannan, Aruba ta bay conta cu cuater tram, di cual un ta di reserva. Ya caba tin seis (6) trambestuurder. Semper abordo tin un trambestuurder y dos funccionario cu lo informa e pasaheronan cua parada ta acercando y ki momento por baha of subi. Na momento cu tur e streetcarnan ta den funcion, e vehiculonan aki lo ta operando for di 7’or di mainta pa 9’or di anochi di dialuna pa diasabra y diadomingo e streetcar ta core di 3’or di merdia pa 7’or di anochi.

Comentarionan (1)Add Comment
rg
February 18, 2013
201.229.12.103
Votes: +4
...

14 ora pa dia! hopi mas miho cu 3 ora hahahasmilies/cheesy.gif Awo si mi por compronde cu e tram tin un bon impact pa Caya Grandi. Tambe e resultado lo ta cu e comerciantenan tey hanja mas income y drecha nan tienda y tambe lo bin tiendanan mas nobo y caro cu lo trese mas high class turista na Aruba.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter