| Gobierno: Streetcar a cuminsa cu biahenan di prueba cu Inspectornan di DTP y Polis |
 |
 |
| Monday, 18 February 2013 20:23 |
|
Por ehempel no solamente mester a cambia e infrastructura riba suela pa permiti e pasada di e streetcar cu lo trece un bida nobo pa e comerciantenan na final di caya grandi, pero tambe a crea un infrastructura bou tera cu ta sigura cu pa e proximo 30 pa 40 añanan no mester haci cambio. E infrastructura anticua a crea hopi problema, pero finalmente el a keda cla y inclusive por a habri mas cu mita di e caya grandi. Un componente importante di e revitalisacion di caya grandi ta e uzo di streetcar, cual e prome a yega den luna di december, pero como cu e ta algo nobo na Aruba, e ta encera varios cambio den ley cu mester pasa diferente departamento, cual ta un di e motibonan cu no a logra finalisa na tempo pa inauguracion di e streetcar. Mirando importancia di e vehiculo aki, Gobierno a busca un solucion temporal cu ta haci cu e vehiculo ta core algun ora pa dia, bou supervision di Polis y inspector(nan) di Departamento di Transporte Publico (DTP). Y esaki tabata e caso tambe desde diasabra ultimo. E streetcar durante e dos dianan di funcion di prueba, por a constata, ta wordo uza tanto door di local como bishitantenan, segun a wordo splica door di Anthony Geerman, Manager di e Tram. Geerman a splica cu nan lo sigui haya guia di Polis mientras cu e ley di tram no ta cla, mientras cu e Inspectornan di DTP ta esnan encarga pa aproba e rijbewijs pa e manehadonan di e tram. Pesey awor cu e tram ta den funcion di prueba, e inspectornan ta abordo tambe pa mira e funcionamento. Diasabra ultimo, Geerman a splica, momento cu a cuminsa nan a topa cu algun obstaculo principalmente den Havenstraat y Schelpstraat, unda cu autonan ta staciona riba trottoir strobando e tram di pasa, pero ya caba autoridadnan concerni a pone baricada pa evita cu esaki sigui pasa. E departamento encarga cu e maneho di e streetcarnan ta percura pa siguridad ta primordial mientras cu e ley di tram no ta cla ainda. Comentarionan (6)Mustra/Kita comentarionan ...
Nos kier sa si ta bini cu un Arubiano mester paga pa subi y cuanto esei lo ta dicon no ta menciona esaki...?Si bo mester paga pa un route cu e tram,auto,strolly ect...
,
February 19, 2013
...
Prome casi njun hende un kier tram; Casi njun hende no tawata wak e goal/doel di e tram. Awo cu e tram ta prepara pa corre, ta puntra "E ta gratis? e ta free, arubiano nan mester drenta gratis." ...Increible. Min ta compronde e grupo di hende nan aki.
,
February 19, 2013
...
Ami kier sa ki dia e caya grandi ta keda cla. Y pakico nan ta kibra e cayanan y laganan na mitar y sigi kibra otro. Cuminsa un cos y cabe djei sigi cu otro ya e trafico no ta wordo stroba tur caminda. Ta basta cu e gobierno descabeya aki. ban pone un gobierno capaz pero cu hende studia ni MEP ni AVP.
,
February 19, 2013
...
Caja Grandi ta un desaster completo awor. Mi ta duda cu pa April e ta bn cla. Si DOW a controla tur trabou di day 1, no tin nodo di kibra y pone di nobo atrobe. Afwerking di klinkers y di e piedra nan special ta laga di desea. Hopi mahos. E lo a keda mas colorido si a usa klinkers of pavers di color. Tin hopi caminda den e mes un caja aki cu falta di bastante trabou. DOW ta bin cu excusa cu si kibra y pone di nobo ta bai tarda mucho. Pesey a bin cu bestek pa traha cune. Y si MAmbraca a gana destaho, ta pasobra nan bid ta mas abou. Esey no ta garantia cu nan ta hasi trabou bon. Mira Linear Park. Un desaster completo. Esey ta ora bo bid hopi abou di e prijs original. Ta no ta sinta cu e batata cayente awor.
 
,
February 19, 2013
...
Cualkier gobierno ku bin por bin ku ki idea cu nan kier. Si acaso un idea wordo impone riba pueblo, ainda pueblo por reclama sin cu ta nan idea. E producto cu wordo introduci ta pueblo en general ta paga pe i no un partido. Pueblo en general tin derecho di haya un producto bon ehecuta sin cu e ta nan idea of di nan gusto.
,
February 19, 2013
Duna Comentario y/of Comparti riba Social Medi |
Mustra/Kita e formulario di comentario
