Friday, 28 November 2014
Abogado Anthony Ruiz: Basa riba mentira Lotto a destrui Frederick Croes y su famia Print E-mail
Tuesday, 19 February 2013 01:04
Comparti

frederick croes
Abogado mr. Anthony Ruiz den conferencia di prensa tambe a papia tocante e caso di Fundacion Lotto pa Deporte cu nan a lanta contra Frederick Alex Croes, cu ta un di e personanan cu a bay cera 36 dia y cu Lotto a paraliza su negoshi y a kibra su famia. Esaki ora Lotto a lanta un caso penal contra dje, a buta beslag riba tur su pertenencianan a pidi un suma di 2 miyon florin y paraliza tur su actividadnan.

E abogado a splica cu dia 16 di Februari cu a pasa Huez a rechaza tur loke Lotto kier a kita for di Croes, manera kibra su contratonan cu Yara Project, Pos Chikito Project, Winston Project. Tur e demandanan aki a ser kita for di mesa, segun Ruiz. Tur e simanan cu Lotto a pidi pa Croes paga a ser nenga, pero na lugar di esey Huez a exigi Lotto paga mesora na Croes e suma di 351.448 florin cu 59 cen y 10.800 florin na gastonan di abogado. Na total ta casi 400.000 florin Lotto mester paga Croes pa daño y mal cumplimento di e caso, e abogado a splica. El a bisa cu e caso no a termina ainda y na April venidero Lotto lo haya oportunidad di mustra cu berdad nan a sufri daño door di Croes pero a exigi pa no presenta rapportnan di IB Caribbean cu no a yuda cu nada, pero pa bin cu pruebanan nobo y palpable. E abogado a relata riba tur loke Croes a perde manera su libertad pa 36 dia, hopi placa cu e mester a fia pa mantene su yiunan, casa, paga expertonan pa traha rapport, abogadonan y sobrevivi despues cu a sali di prison. Segun e abogado Lotto a basa su mes riba puro mentira, te hasta señora de Souza a gaña y tur esaki a ser mustra. E ta desea pa e caso aki yega su fin y tur esnan envolvi por sigui biba nan bida manera mester ta.

Comentarionan (2)Add Comment
mike eman
February 24, 2013
190.2.160.240
Votes: +0
...

ni un reaccion di parti di lotto....ainda tin mas pa bin....

Zombie
February 19, 2013
201.229.82.84
Votes: +0
...

Esta un fantasia! Hende sa fabrica storia!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter