Saturday, 20 December 2014
Mundo Infantil ta bai gosa cu Kerekentenchi hunto cu Tanchi Esmé y Ompi Lyo Print E-mail
Tuesday, 19 February 2013 15:49
Comparti
DSC_2063
Dialuna februari 18, 2013, den oranan di Mainta den e popular programa di radio di Lyonel Dirksz, E famoso personaje infantil Esmeralda Tromp conoci pa e muchanan como Tanchi Esmé a anuncia un cambio den radio y projecto nobo.

Tanchi Esmé  tin mas di 15 aña den e mundo infantil presentando y dirigiendo  programa di mucha na radio. Pa casi 12 aña a forma parti di Magic FM hunto cu Tio George, pero aña a habri y e la ricibi oportunidadnan nobo y grandi pa 2013 atraves di Top95, Tanchi a wordo acerca pa Lyonel  Dirksz conoci den e muchanan pa Ompi Lyo cu tin 9 aña den radio y television cu hopi experencia tambe den e area infantil cu a  presenta varios projecto di mucha bou di e popular nomber Kerekentenchi , e negosacionan a bai den un forma masha ameno y a tuma algun luna pa nan por a yega na e conclusion final pa forma un equipo fuerte y stabil y a bin cu e nomber ‘Mundo Infantil gosando cu Kerekentenchi’ dunando reconocimiento na ambos nomber cu a wordo crea pa nan y hasie un solo nomber cu mester carga e programa nobo.

E programa ta cuminsa 3 Maart 2013 (3-3-2013) atraves di Top95FM di 9am pa 11am y lo sigui tur diadomingo, 2 ora cu informacion, musica, y hopi sectionan interesante y inovativo, Tanchi Esmé  y Ompi Lyo ta kere cu uniendo 2 generacion diferente lo trece un porgrama hopi educativo y placentero cu hopi inovacion pa cu e oreanan chikito y grandi. E prome programa no lo ta den studio pero na e parke nobo na Tanki Leendert 81H  ‘Lil Denz’ un parke cu pa algun luna caba famia Tromp ta trahando duro pa por presenta na e comunidad cu oportunidad pa huur e parke pa fiestanan di mucha.

Tur mucha ta keda invita pa bira fan di e facebook di Mundo infantil gosando cu Kerekentenchi , riba e Facebook,lo rifa entre tur e muchanan cu bira fan  e prome 100  ticketnan di entrada pa bin compaña tanchi y ompi na e apertura di e programa. Tanchi Esmé ta gradici Tio George pa tur e añanan cu hunto nan a traha y a entrene e muchanan y sigur recuerdonan bunita a keda atras cu a hasi nan amistad pa cu otro a crece y bira algo hopi bunita durante añanan.Tio George lo bo keda pega semper na mi curazon,muaks love u.

Un danki na tur amigonan comerciante cu a confirma nan participacion den e programa di mucha nobo

Pendiente pa mas informacion pa tur loke ta bai pasa dia 3 Maart den e estreno di Mundo Infantil gosando cu Kerekentenchi cu Tanchi Esmé y Ompi Lyo.

Pa mas informacion por contact Tanchi Esmé na 561-8601 of Ompi Lyo na 593-61-87

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter