Thursday, 24 July 2014
Proximo sesion tocante embehecemento na YMCA San Nicolas Print E-mail
Tuesday, 19 February 2013 16:08
kvk edificio nobo
Dialuna awor, 25 di Februari, 2013 ta tuma lugar e di dos sesion tocante enbehecimento. E sesion aki ta forma parti di un serie cu ta trata e proceso di enbehecimento na Aruba y su consecuencia. E ta tuma lugar na YMCA San Nicolas y publico ta bon bini desde 7:00 pm.

E sesionnan aki ta wordo organisa door di San Nicolas Business Association (SNBA), MAMBO, ATIA, AHATA y Camara di Comercio (KvK), E programa ta cuminsa 7:00 di anochi y e meta ta pa comparti informacion valioso cu pueblo di Aruba. Como cu ta trata di un tema amplio cu varios aspecto, a decidi pa brinda e oportunidad na Centro Kibrahacha y Fundacion Movemento ta Bida pa comparti informacion y tips con hiba un estilo di bida saludable, specialmente dirigi na esnan 60+. Un estilo di bida saludable pa un persona di edad avanza no ta solamente bon alimentacion, e ta encera tambe cu e persona ta keda socialmente activo y cu e ta envolvi den actividad cu ta duna satisfaccion na su bida. Fundacion Movimento ta Bida lo informa tocante alimentacion, ehercicio y otro forma di movecion mientras Centro Kibrahacha lo enfoca ariba kico tur nan programa extenso por ofrece tur esnan 60+. Seguidamente, lo continua cu presentacion di Martijn Balkestein, director di Central Bureau van de Statistiek (CBS) kende lo conta con e situacion actual ta na Aruba y kico ta e prognostico di CBS entre awe y aña 2030.

Despues Frank Snijders, specialista financiero, lo elabora mas ariba e parti di pension y e retonan pa fondo di AOV. Consecuencia y oportunidad di enbehecimento Manera Camara di Comercio a bin ta informando durante comunicadonan anterior, e consecuencianan di enbehecimento pa nos pais ta enorme si nos no haci nada. E gastonan relaciona cu e grupo di edad halto lo aumenta drasticamente, tur hende lo mester aporta primanan mas halto na AOV pa asina por paga pension na e poblacion grandi di esnan cu tin derecho ariba e AOV. Gasto di cuido medico tambe lo aumenta drasticamente, ya cu tur persona di edad halto tin mas gasto medico. Pero ta importante pa trece dilanti cu awendia mas persona cu edad 60+, ta hibando un otro estilo di bida compara cu algun decada pasa. No solamente nan expectativa di bida ta mas halto, awendia hopi ta scoge pa sigui traha of ta cuminsa un negoshi despues cu nan baha cu pensioen. Hopi ta cuminsa cu hobby nobo of ta cuminsa viaha, hasta tin ta scoge pa bai biba den exterior. Hopi hende 60+ no kier keda atras cu tecnologia y ta birando mas y mas ‘tech savy’. Tambe e grupo aki lo mester di servicio specializa pa por keda biba riba nan mes.Tur esaki ta trece oportunidadnan empresarial pa e empresario cu kier dirigi nan mes ariba e mercado creciente aki. Invitacion Tur e gremionan menciona anteriormente ta invita tur hende pa presencia e sesion informativo aki cu lo tuma lugar dialuna nochi na YMCA San Nicolas, di 7:00 pa 9:00 pm. 2 Entrada ta gratis. Bin comparti bo opinion y trece bo idea y preocupacion dilanti. Esaki ta bo oportunidad pa cuminza forma parti di e solucion pa nos comunidad encuanto enbehecimento of pa descubri oportunidadnan empresarial nobo. Pa mas informacion tocante e serie di sesionnan y/of reservacion, contact KvK na 582.1566, ext. 27, 35, 42; businessinfo@arubachamber.com of www.facebook.com/arubachamber.

Comentarionan (1)Add Comment
amimes
February 19, 2013
74.82.64.36
Votes: +1
...

Un observacion so: e prome zin. Bo ta skirbi: dialuna awor, 25 februari of dialuna, 25 februari 2013. No: dialuna awor 25 februari 2013. Nos ta cabA den 2013. Ta just un observacion. E programa ta hopi bon.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter