| Les di cushinamento y bolo na YMCA Dakota |
 |
 |
| Tuesday, 19 February 2013 16:55 |
 Den e siman di dia 4 di maart YMCA Dakota lo cuminsa cu su lesnan popular di cushinamento. Tres experto den diferente area di cushinamento lo guia e lesnan di cuminda saludabel, cuminda Indones y Chines y trahamento di bolo.
Dialuna, dia 4 di maart Chef Ludwig Samson lo duna e prome les di e serie "cushinamento saludabel", cu hopi tip con pa come miho y mas balansa. Su recetanan ta prueba cu cuminda saludabel ta dushi y tambe facil pa prepara. Riba diaranson, dia 6 di maart Chef Glen Ridderstap ta cuminsa cu su lesnan dibertido di "Cuminda Indones y Chines", unda na un forma dibertido Chef Glen lo siña cursistanan con pa cushina dushi plato di e paisnan Asiatico Indonesia y China, cu ta facil pa traha na cas tambe. Stella Toms un biaha mas ta presenta dos serie di su lesnan di bolo hopi gusta riba diamars, dia 5 di maart y diahuebs, dia 6 di maart. Stella ta bon conoci pa su bolonan dushi y cursistanan ta keda semper hopi contento di siña algun di su secretonan. Tur persona interesa por yama YMCA Dakota na 5823072 pa informacion y registracion.
|
Mustra/Kita e formulario di comentario
