Wednesday, 22 October 2014
RBC a celebra e aña nobo Chines hunto cu su clientenan corporativo di e comunidad Chines Print E-mail
Tuesday, 19 February 2013 16:58
DSC_2063
Recientemente RBC Royal Bank a tene un recepcion pa su clientenan corporativo di e comunidad Chines pa asina celebra hunto cu nan nan aña nobo. E recepcion a tuma luga na Grand Victoria Restaurant unda e invitadonan a goza di un anochi ameno y unda nan a haya diferente presentacion pa beneficia nan negoshi.

Sr. Pierre Rafini, Area Vice President Business Banking di RBC hunto cu Sr. Felipe Werleman, Relationship Manager Business Banking di RBC a hiba palabra durante e anochi. Tambe Sr. Raymond Dirksz, Relationship Manager Business Banking di RBC a elabora riba e importancia di ‘Financial Reporting’. Sr. Norman Henriquez y Sr. Wichard van der Meulen (Henriquez Croes & Co) a elabora riba e importancia di ‘Tax Compliance’. Na final Sr. Clifton Ling, ex - propetario di Ling & Sons Supermarket, a comparti su experiencia y a duna algun tips con pa maneha un negoshi den un forma exitoso.

Loke sigur e invitadonan a aprecia hopi ta cu tur e presentacionnan a wordo traduci na Chines cu a hasi esaki mas comprendibel.

Na final di e anochi tur invitado a ricibi un regalito di RBC y a keda hopi contento cu e recepcion pa celebra nan aña nobo.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter