Wednesday, 20 August 2014
E di 13 edicion di Aruba Soul Beach Festival 2013 ta presenta top celebridadnan durante "MEMORIAL DAY WEEKEND" Print E-mail
Tuesday, 19 February 2013 17:13

front Image 12

Cu un “line up” electrificante cu lo complace diferente gusto y amantenan di R&B y dance-pop, MNL Management, Aruba Tourism Authority y otro partnernan den turismo ta cla pa presenta e di 13 edicion di Soul Beach Music Festival di cual 10 di e edicionnan a tuma luga na Aruba. Evento e aña aki lo tuma luga atrobe riba beach di Nikki Beach e weekend di “Memorial Day” di 22 pa 27 di mei 2013.

Cu un line up exitante di talentonan bon conoci den e mundo artistico na Estados Unidos, por bisa cu Aruba ta honra pa mira den concierto ganador di tres (3) Grammy Award Motown Recording Artist esta e cantante NE-YO hunto cu D’Angelo. Nan lo presenta nan coleccion sensacional di musica dance-pop / R&B cu a yega di aparece riba “Billboard Chart Topping”. No por mira bek riba e scenario na Aruba e conocido “All-Star Comedy headliner” Sinbad, sin laga afo Paige Bryan cu Memphis Red y e Funk Stank Nasty Band cu ta bay representa un anochi di funk y comedia. Soul Beach Music Festival Mescos cu e añanan anterior, Soul Beach Music Festival ta un evento cu ta wordo organisa pa Sr. Mark Adkins di MNL Management y presenta durante e “Memorial Day weekend” cu ta un dia festivo na Merca. E aña aki e evento ta entre 22 di mei pa 26 di mei cu un anochi di comedia riba 24 di mei. E conciertonan lo bay tuma luga dia25 y 26 di mei respectivamente riba Nikki Beach. Ta spera bastante turista durante e dianan aki kendenan lo bin bishita nos pais y goza di su beyeza mientras cu nan ta wordo deleita cu un tremendo ambiente di festival tanto den dia y anochi despues di cada anochi di concierto lo bay tin “after party’ y den dia lo bay tin ‘beach party’ pa entretene tanto e bishitantenan como nos hendenan local. Mescos cu tur aña ta garantiza entretenimiento total pa fanaticonan di musica Soul, Hip-Hop, R&B y Zouk. Segun Sra. Ronella Tjin Asjoe-Croes (CEO di Aruba Tourism Authority) ta comenta: “Nos ta masha entusiasma pa ta e anfitrion un biaha mas di otro edicion di Soul Beach Music Festival y ta spera di por hala e atencion di bishitantenan pa bin pasa nan vacacion y disfruta di e “Memoral Day Weekend” na Aruba ‘One Happy Island”. Minister di Turismo, Transporte y Labor Sr. Otmar Oduber ta comenta cu Aruba ta orguyoso di yama bon bini na e spectaculo di e evento Soul Beach Music Festival . “E evento aki ta mehorando cada aña y e ta mustra hopi bunita cu tur e cambionan y embeyesimento cu nos a haci na Oranjestad. Mi ta sigur cu e artistanan y fans lo gosa hopi na e festival y di Aruba en general. Ademas Sr. Mark Adkins – organisador di e festival ta añadi: “Nos ta encanta cu nos por trece artista y cantantenan di un calidad asina halto manera Ne-Yo, D’Angelo y Sinbad pa e festival aki na Aruba. E fanaticonan por spera un weekend di conciertonan fantastico yena cu musica pa tur gusto combina cu un anochi di comedia y den dia cu beach parties y despues di conciertonan cu “night club after parties”. L.G. Smith Blvd.8 * PO Box 1019 * Oranjestad Aruba * Dutch Caribbean t +(297) 582 3777 * f +(297) 583 4702 e ata.aruba@aruba.com * www.aruba.com Benta di ticket: Manera ta custumber Soul Beach Music Festival ta ofrece y duna e mercado local pa cumpra nan ticket na un prijs special y e aña aki no ta excepcion. Entrante diabierna 22 di februari por cumpra bo ticket pa cada anochi na US$ 55,= pa persona obtenibel na Aruba na: Dragon CD & Electronics – San Nicolas Oficina principal di Fun Miles - Oranjestad Insel Air - Oranjestad Moomba Beach - Palm Beach Sopranos Piano Bar - Palm Beach Nikky Beach - Oranjestad Valero: Boulevard, Essoville, Palm Beach, Ponton y Santa Cruz Pa mas informacion di e benta di ticket y e ultimo den noticia pa cu CLUB SOUL BEACH, por bishita http://www.soulbeach.net of http://www.aruba.com. Tambe por sigi nan riba Twitter@SoulBeachMusic of bira un fan di 2013 Soul Beach Music Festival www.Facebook.com/soulbeachmusic Sponsors: Aruba Tourism Authority ( ATA), Aruba Hotel and Tourism Association (AHATA), The Westin Resort & Casino Aruba, The Radisson Aruba Resort, Casino & Spa, Divi Resorts, Tierra del Sol Aruba Resort Spa and Country Club, De Palm Tours Aruba y Europcar.


album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter