Wednesday, 22 October 2014
Departamento di Cultura Aruba ta informa: Importancia di idioma principalmente nos lenga materno Print E-mail
Tuesday, 19 February 2013 17:37

Front Man y Corason alumnonan 

Oranjestad - E importancia di idioma ta esencial den tur aspecto y interaccion den nos bida diario. Nos ta uza idioma pa informa hende rond di nos di locual nos ta sinti, desea, cuestiona y pa compronde e mundo rond di nos. Nos ta comunica efectivamente cu nos palabranan, gesto y tono di bos den hopi situacion.

 

Lo bo papia cu un mucha chikito cu e mesun palabranan cu lo bo papia den un reunion di negoshi?  Di por ta capaz pa comunica cu otro, ta forma laso, trabou den ekipo, y ta loke ta separa ser humano di otro especie animal. Comunicacion ta conduci nos bida y ta haci nos miho. Bon comunicacion semper lo haci un diferencia.

 

Origennan di con tin asina tanto lenga diferente ta intriga tanto alumnonan y linguista pa siglonan y nan lo continua na puzzel y busca mucho mas leu den nos tempo y bida cu ta bini. Den hopi cultura tin mitonan cu ta bisa cu tabata tin un lenga comun cu tabata ser papia entre e hende. Ora cu un Dios a rabia el a confundi e hende of separa nan di otro. Segmentando e hende, nan a crea nan propio lenga, cada grupo riba nan mes cu awe nos ta papia di diferente lenga materno.

 

E importancia di comunicacion te hasta por perde proyeccion y te hasta e habilidad di comunica cu otro. Mal comprendementonan sa pasa. Corda, comunicacion ta bini di dos banda, dos medio cu lo mester ser brasa y no ignora.

E importancia di idioma ta beneficioso sin importa cu bo ta haciele pa diberticion of pa bo carera of te hasta solamente pa bo biahe personal.

Kere of no, algun hende por ta arogante den kere cu nan no por bay den paisnan afo, sin conoce casi nada di e lenga of cultura di e hende caminda nan ta bishita.

 

Sin importa cua ta bo nacionalidad, e hecho ta keda cu idioma ta importante den nos bida. Honestamente, si abo ta di siña otro idiomanan lo bo encontra cu hopi di nan ta hopi similar. Entre otro, e diferencianan ta den alfabet, pronunciacion, y gramatica caminda e sintax generalmente ta keda mesun cos. Nos lo mester uza esaki pa mustra nos comprension di e culturanan y biba di nos semehansanan den otro pais.

 

E parti caminda e importancia di idiomanan realmente ta briya ta den negoshamento cu companianan den trata di yega nan audiencia global y mercadonan. Mas y mas lidernan den negoshi ta ser reconoce den e competencia cu nan mester tin conocemento den varios idioma stranhero.

 

Arubianonan ta afortuna caminda cu nos dushi idioma Papiamento ta duna nos un habilidad facil den domina varios idioma. P'esey ta importante nos stimula, promove bon uzo di papiamento como nos lenga materno. E aña aki 2013, Gobierno di Aruba a proclama esaki como Aña di Papiamento.

Conocemento di bo idioma materno y tambe acercamento di bo cultura ta mustra cu Abo ta respeta e idealnan patriotico.

 

Mas y mas mundialmente scol ta reconoce e importancia di idioma. Algun scolnan ta cuminsa den siña un di dos idioma ta caba for di scol segundario. Hopi scolnan y empleadonan ta ser rekeri conocemento di idioma specifico como parti den nan proceso di aplicacion. Ta di spera cu Aruba pronto lo engrandece y stimula e bon uzo di nos idioma materno na nos scolnan, mescos cu ta cominsa cu e idioma Ingles den scolnan primario (5de klas).

 

Pa medio di idioma nos por comunica cu otro hende y crea sentido den nos experiencianan. Imagina djis un rato: Kico lo ta pa bo yiu pa e desaroya e habilidadnan aki cu nos sa tuma como custumber sin aprecia esakinan.

Si Abo como mayor, educado of otro lider percura na duna balor na nos lenga materno, lo aporta y yuda desaroya e idioma di bo yiu pa refleha e identidad, balornan y experiencianan di bo famia y comunidad.

 

Ta p’esey, ta keda na bo persona den crea un ambiente caluroso y comfortable na unda bo yiu por crece y siña e complehidad di idioma, pues e parti dificil cu lo forma parti di e totalidad di nos idioma.

E habilidad di comunicacion cu bo yiu fo’i trempran den su bida, lo ta e fundeshi pa su habilidadnan pa comunica den futuro. Habilidadnan fuerte den idioma ta un adkisicion cu lo promove pa bida largo un comunicacion efectivo.

 

Ta importante pa siña otro idioma banda di nos dushi Papiamento, pasobra e ta yuda nos den siña conoce otro idioma, otro hende y cultura. Pero lo mas importante cu nos por siña ta nos propio lenga materno como cu esaki ta un di e partinan basico di nos identidad. Importante ta pa nos no perde nos propio lenga materno, manera UNESCO a trece dilanti cu varios idioma na mundo ya no ta existi. Por ehempel, ora nos yiunan crece y bira grandi den un pais cu no ta esun di bo, den nos opinion, nos ta perde un parti di nos mes.

 

Pabien Arubianonan riba e dia internacional di Lenga Materno. Pabien cu e aña 2013 como aña di Papiamento. Cuida nos dushi Papiamento, siña esaki, conoce su bon uzo y compartiele cu otro. Sinti bo orguyoso di bo idioma, bo lenga materno. "Nos Papiamento ta den bo man. Papiamento, cuid'e!"

album album album

Comentarionan (4)Add Comment
Cu respet
February 20, 2013
201.229.41.83
Votes: +3
...

Cu tur respet pa mi idioma, mi generacion a haña educaion basico na Hulandes, a pasa door di educacion secundario cu tur materia duna na Hulandes, a bay studia afo y gradua! NUNCA papiamento a haci nos di falta relaciona cu nos estudio. Al contrario, ohala tawata tin extra practica di Hulandes, Ingles y Spaño cual lo a haci nos prome aña na Universidad un poco mas suave. Stop di purba indoctrina, mientras cu tur locual boso kier haci ta baha e nivel di educacion di nos yiunan. Un paar di aña atras no tawata tin ningun problema pa comunica na Hulandes cu e docentenan, pakiko diripiente awor e la bira un problema? Ami ta yama esey FLOHERA di esnan cu no kier studia y NEGLIGENCIA di mayornan cu no ta uma tempo pa pasa door di huiswerk of yuda nan yiunan practica. Habri boso wowo, paso esunnan cu ta pusha pa nos yiunan wordo educa den nos propio idioma, si a haci nan estudio completo te caba Universidad na Hulandes of Ingles! Awor dicon diripiente e idiomanan ey a bira asina dificil???

The Observer
February 20, 2013
201.229.14.39
Votes: +0
...

UNESCO? Ta straño cu UNESCO ta pone enfasis riba existencia di idioma na luga di pone enfasis riba posibilidad pa comunica. E essencia di idioma ta comunicashon. E ser humano a siña papia pa por comunica cu otro. Ideal lo ta si henter mundo lo tawata tin un solo idioma, pa asina nos tur ariba e mundo aki por comunica cu otro. Acaso UNESCO kier tene pueblonan separa for di otro? Acaso UNESCO kier sembra divishon? Nos ta tende di Cubanonan cu UNESCO ta trese Aruba... Di con ta net for di Cuba UNESCO mester trese hende? Lo trese comunismo tambe???

chaya
February 19, 2013
68.171.231.81
Votes: -3
...

Awor tambe mester stop di buska juffrouwnan y meneernan hulandes cu no ta papia ni comprende papiamento y no ta interesa pa sinja tampoko, na un scool na S.N.tin un juff cu constant tin problema cu e muchanan pa motibo di comunicacion y e muchanan ta wordo perhudika

The Observer
February 19, 2013
201.229.14.141
Votes: +9
...

Nunca importancia di existencia di un idioma ta surpasa e importancia di maximo educashon pa nos yiunan. E hecho cu nos no por haya educashon maximo den nos propio idioma ta di lamenta, tambe e hecho cu ni tin mercado tampoco pa lanta instituto educashonal di nivel cu lo por duna les na Papiamento. Pero nos mester biba cu e realidad. Mas importante cu e existencia di Papiamento ta, pa nos yiunan por domina e idiomanan Hulandes, Ingles y Spaño, pa asina na por haya miyones di bukinan cual nos yiunan por usa pa educa nan mes debidamente. Ademas, Aruba ta depende di turismo, cu ta un industria pa cual ta necessario e dominio di e idiomanan mencioná pa por haya un bon trabou den e sector turistico...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter