Wednesday, 20 August 2014
Gobierno: Restauracion di Edificio di John F. Kennedy School ta un Inversion indudablemente Positivo pa Aruba Print E-mail
Monday, 25 February 2013 20:23

1

Durante di e conferencia di prensa tocante e renobacion di Kennedy school enfasis a wordo poni na e trabaonan duro di DOW pa keda cla cu diseño y mapanan pa e proyecto importante aki. E proyecto ta wordo realisa pa medio di un acuerdo entre Gobierno di Aruba, AIB y SOGA cu a wordo firma ayera mainta y lo transforma e ruina existente den un edificio moderno cu espacio suficiente pa Departamento di Enseñansa y tambe un oficina di UNESCO.

E noticia aki a cay den bon tera no solamente na esnan cu a bay e school aki, esnan cu a duna les y a dirigi e school aki den su tempo di gloria sino tambe henter e pueblo di Aruba cu ta disgusta di mira e ruina di loke antes tawata un institucion cu a produci hopi profesionalnan tecnico y di e manera ey a aporta grandemente na desaroyo di nos economia. Mescos cu Gabinete Mike Eman a percura pa den cuadro di reconstruccion di nos pais pa rescata edificionan monumental manera Corte di Husticia, La Salle School, Bestuurskantoor, Watertorennan na Playa y San Nicolas y otro edificionan historico, awor a toca turno di John F. Kennedy School cu a deteriora di tal manera cu e ta un berguensa nacional. Hecho cu aki ta bay ubica tur e oficinanan di Departamento di enseñansa ta nifica cu e proyecto aki ariba termino largo lo paga su mes pasobra Gobierno ta pagando 145.000 pa luna na edificionan pa e Departamento di Enseñansa. Departamento di Cultura tambe ta sali gana pasobra e oficina di UNESCO tambe lo ta situa den e edificio restaura di e school. A tene cuenta cu tur loke departamento di enseñansa lo ta bay tin mester na espacio pa e proximo 20 añanan . E construccion di John F. Kennedy Auditorium lo bira un joya di proyecto y ta den e mesun espirito cu e Oficinanan Multi-funcional cu Gobierno ta bay construi den 5 bario. Lo tin espacio pa actividadnan manera dialogonan, discusionnan, reunionnan y diferente actividadnan cultural. Ministro Presidente Mike Eman tin contacto estrecho cu famia Kennedy, specialmente Joe Kennedy. Henter e famia Kennedy ta contento cu un school cu tawata carga e nomber di Presidente J.F. Kennedy lo conoce un restauracion completo y cu construccion di un J.F. Kennedy Auditorium. Pa nos relacionnan cu Estados Unidos ta importante cu nos tin e aprecio pa Presidente John F. Kennedy kende ta aprecia y stima rond mundo.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter