Monday, 22 December 2014
Marlon Pietersz: Trabaonan di City Inspector ta andando aunke no den gran escala ainda Print E-mail
Tuesday, 26 February 2013 12:22
Comparti
DSC_2063
Algun siman pasa Gobierno a oficialmente a lanta Bureau City Inspector, cu tin actualmente un director y algun personal den servicio. Inspector Marlon Pietersz a menciona cu e trabaonan ta andando aunke no den gran scala pasobra aworaki tin 4 persona di cual 2 so por duna process verbal y Aruba por parce chikito riba mapa, pero pa nan e ta grandi mirando tur e trabao cu nan mester cubri.
Aki aya ta sinti falta, nan tin mester di dos auto y mas personal tin speransa cu den e presupuesto tin parti di e bolo pa e bureau segun Pietersz. Lo tin 4 persona mas lo bin traha na Bureau City Inspector, esaki no ta oficial ainda y nan tin cu wordo prepara pa e funcion door di Pietersz mes y su colega Roland Croes.


Nan tin expectativa cu aki dos aña maximo nan por tin un telefonista, un secretaria y mas city inspector, alomenos 16, di manera cu por parti Aruba den 4 distrito cu 3 City Inspector pa cada distrito. Pietersz a splica cu necesariamente tur trabao cu tin di haber cu sushedad ta cay bao di City Inspector, por ehempel caminda cu tin toxico of oil spill ta cay bao di otro seccion di Departamento di Medio Ambiente.

E procedura ta ora hende tin keho riba un hende cu nan a mira ta benta sushi ta yama y duna tur e datonan necesario, ken e persona ey ta, ki auto e ta core, color y number, y kico exactamente a haci. Tambe ta necesario pa e hende cu ta yama duna keho para como testigo pasobra si no haci esaki e ora ey City Inspector no por haci mucho cos. Nan por duna un "warning" pero nan no ta sigur cu esey ta e persona cu a benta e sushi. Si tin testigo si por aplica ley y pone boet. Comunidad por comunica sea na cityinspector@setarnet.aw" target="_blank">cityinspector@setarnet.aw. Of na telefon 5829777, of pasa na e bureau situa den e di dos piso di departamento di labor na Horizonte Building riba LG Smith Boulevard 134, conoci tambe como edificio di DA. E personanan cu tin informacion pa duna mester laga nan nomber number di telefon y ki tipo di keho.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter