| Polis: Automobilistanan NO tin pasenshi mas awendia |
 |
 |
| Tuesday, 26 February 2013 12:26 |
 Aña pasa e departamento di trafico di Polis a duna 5000 boet, mientras cu a atende un cantidad grandi di accidente, casi 8000. Inspector Ricardo Muller ta hefe di e departamento di trafico di Polis y ta analisa e cifranan, cu ta demostrando un tendencia di falta di pasenshi y cortesia den nos trafico. E inspector di Polis, cu un amplio experiencia riba tereno di leynan di trafico y comportacion di chauffeurnan den trafico a splica cu e motibo di cantidad di accidente na Aruba ta debi cu hopi chauffeur no ta respeta e reglanan di trafico y nan ta causa accidente pa motibo di coremento duro, no ta mira borchinan door di e pura cu nan tin, tin zundramento den trafico, mustramento di e famoso dede, pues nan ta bira full otro tipo di persona den trafico. E comportacion aki ta totalmente diferente na e hende pacifico di Aruba cu ta capaz di warda den rij for di madruga hopi trankil, pa cumpra un cellular te hasta ora awa ta cay. Pero den trafico tur hende ta cambia, ta bira ansha, y tur hende tin pura. Inspector Muller a bisa cu den e trafico druk tambe mester tin pasenshi. Aruba di berdad no tin hopi caminda pa core auto y tin demasiado auto riba caminda y no ta sin mas por traha mas caminda pasobra no tin suficiente tereno pa esaki. E ta ripara cu tin hende kier sali laat pero yega tempran y nan ta cuminsa pasa e autonan nan dilanti y ta haya cu no tin motibo pa e comportacion aki cu na final ta yuda cu nada. Comentarionan (3)Mustra/Kita comentarionan ...
Inspector hier en daar tin razon.Pero e chauffer nan di Aruba inclusief e stranjero nan latino ta fatal.Mester parti mas boete na e mal corredo nan of pone polis na kada eskina pa controla e mal coredo nan sin cu ta tuma cuenta cu e otro,y tin di nan ta pensa mi ta segura toch all rish y nan ta bula sali bo dilanti.E latino nan tin hopi di nan ta corriendo sin rijbewijs y sin por domina nos idioma papiamento of hullandes.
,
February 26, 2013
Duna Comentario y/of Comparti riba Social Medi |
Mustra/Kita e formulario di comentario
ta e manera kon e kaminda nan ta traha na Aruba por duna stress!!!!
wak e crusada na Mahuma,drive inn....
si bo kier bai lora na man drechi of robes bo tin cu warda ariba tur esunan bo dilanti cu kier crusa bai strait,tin hopi manera cu por adapta e kaminda nan of traha nan cu un zijweg pa asina subi,pero nada no ta wordu haci,nos lo keda kore manera Morokoi numa,esei ta duna stress den Trafico !!!!!