Sunday, 20 April 2014
Awa brak pelicula mas premia un biaha mas riba e pantaya blanco Print E-mail
Tuesday, 26 February 2013 12:58
DSC_2063
E pelicula local ‘Awa Brak’ ganado di e premio publico pa e miho Aruba Flavor film durante Aruba International Film Festival 2012 lo wordo presenta un biaha mas pa publico durante e nochi di pelicula mensual di AIFF y Cas di Cultura.

Esnan cu no a haya e chens di wak ‘Awa Brak’ aña pasa esaki ta e oportunidad pa mira e pelicula aki riba un pantaya grandi. ‘Awa Brak’ a ricibi tambe un mension special for di e hurado den e categoria di miho film durante e film festival di Trinidad & Tobago 2012. ‘Awa Brak’ ta forma parti di e seleccion di Aruba Flavor films cu lo wordo presenta dialuna 4 di maart den Cas di Cultura pa 7.30 di anochi, entrada ta unicamente Afl. 7,50.

E mes un dialuna 4 di maart fundacion AVI, esnan para tras di e pelicula ‘Awa Brak’ lo inicia cu un music production workshop cu lo wordo duna pa e compositor di ‘Awa Brak’ señor Adriano Nanof. Esaki ta un workshop unda personanan por siña compone y aregla canticanan uzando nan propio computer. Esnan cu forma parti di e workshop aki tambe lo bay e mes un dialuna 4 di maart na e presentacion di ‘Awa Brak’ den Cas di Cultura. E workshop tin un costo di solamente Afl. 75,00 y e lo tuma lugar na Ateliers ’89 di 5.30 di atardi te cu 8.00 di anochi durante 3 siman. Personanan cu forma parti di e workshop aki tambe lo ta parti di e musical film ‘Abo So’ creando nan propio areglo pa e pelicula. Pa mas informacion y pa registra por bishita e website www.tribi.net

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter