Thursday, 30 October 2014
Hits100 FM ta celebra Dia di Aruba Print E-mail
Tuesday, 26 February 2013 16:51
DSC_2063
18 di Maart ta dia cu nos tur ta hisa nos Bandera y ta canta nos Himno Aruba Dushi Tera. E aña aki Aruba ta celebra 37 aña di Himno y Bandera y tambe 27 aña di nos Status Aparte. Na aña 1976 tabata e prome biaha cu a Canta nos Himno y hisa nos Bandera di Aruba den stadion di Wilhelmina cu un gran multitud di hende presente.

Radio emisora Hits100 FM tin un programa special prepara pa e luna di Maart en conexion cu e celebracion di 18 di Maart. 100.9Hits100FM lo presenta un programa special cu ta hiba e nomber di “Nos Dicho – Proverbio – Musica - Receta – Chiste y Poesianan di Aruba”. E programacion aki ta inicia entrante luna di Maart venidero. Hits100 FM di e forma aki ta desea di duna un aporte special na nos cultura durante e luna y siman special di celebracion di dia di Aruba.

Hits100FM ta invita henter comunidad di Aruba tambe pa participa na e campaña special aki di 18 di Maart pa gana premio. Con bo persona por participa? Manda nos bo Dicho, Proverbio, Receta, Chiste y Poesia favorito y asina tin chens di gana varios premio atractivo. Premio nan cu e participantenan por gana ta: Weekend stay na Radisson Hotel, Dinner for two y diferente otro premio mas. Manda nos bo Dicho, Proverbio, Receta, Chiste y Poesia na nos email celebraruba@hits100.fm of via nos link di Facebook na http://www.facebook.com/hits100fmaruba y alaves like nos pagina di Facebook.

Entre tur esnan cu manda nos nan Dicho, Proverbio, Receta, Chiste y Poesia na final nos lo escohe cua lo bira e feliz ganador nan. Sintoniza nos na 100.9 FM of via internet of smartphone www.hits100.fm of Tune-in.

Aruba ta rico na dicho, proverbio, Receta, Chiste y Poesia nan Rubiano, pesey nos ta pidi un y tur pa participa y asina gana premio nan atractivo.

Hits100 FM aportando na nos cultura.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter