Sunday, 20 April 2014
Minister Hooyboer-Winklaar y Minister Oduber ta percura pa preserva y expone e coleccion valioso di Mario Odor Print E-mail
Tuesday, 26 February 2013 17:33

 Front IMG 1437

Mario Odor, dfm, tabata un coleccionista entusiasma, kende a trece hunto obhetonan y artefactonan cu ta di hopi importancia pa nos siña tocante e bida diario di nos Aruba di antaño. Na su cas el a crea diferente espacio unda cu e tabata invita tanto e comunidad local como turista pa bin siña mas tocante historia di su pais cu tanto e ta stima. Sr. Odor a fayece y su casa y yiunan tabata habri su museo dos dia pa aña.

Despues cu su señora a fayece su yiunan no tabata kier pa e coleccion bay perdi, y a ofrece esaki na Pais Aruba.

E siman aki Minister di Turismo, Transporte y Labor, Otmar Oduber y Minister di Asuntonan Economico, Asuntonan Social y Cultura, Michelle Hooyboer-Winklaar a anuncia cu nan lo traha hunto pa realisa San Nicolas Community Museum, unda cu e museo lo cay bao di maneho di Fundacion Museo Arubano. E fundacion ta e mesun cu ta maneha tambe nos Museo Historico, cual ta ubica den Fort Zoutman/Willem III Toren.

Fundacion Museo Arubano lo presenta un "first look" di e museo nobo aki, cual lo habri dia 14 di maart como un exhibicion. "Na ningun pais na mundo no ta posibel pa crea un museo historico cu tur su detayenan den tres siman," Alice van Romondt di e fundacion a bisa, añadiendo cu e exhibicion aki lo ta simplemente un impresion, un oportunidad pa cuminsa introduci loke lo bira un museo hopi bunita y interesante pa bishita.

Un di e temanan cu lo wordo inclui den e museo ta, por ehempel, un barbershop, algo cu San Nicolas ta bon conoci p'e, Van Romondt a bisa. Pa esaki lo trece hunto obhetonan di Mario Odor su coleccion y lo expande riba e tema den un instalacion cual ta refleha con un barbershop di antaño tabata ta.

Na mes momento, Minister Hooyboer-Winklaar tin bista riba e restauracion di algun monumento mas na San Nicolas, adicional na e Watertoren, cual ta den proceso di restauracion actualmente. Den e proceso aki ta buscando entre e momumentonan cual lo ta esun miho pa ofrece e coleccion di San Nicolas Community Museum un luga fabuloso y hopi special, unda cu pueblo di Aruba, como tambe nos turistanan por disfruta di un tour cu ta hiba nan bek den tempo pa un bista den bida diario di nos antepasadonan.

Sra. Van Romondt a introduci Irene Peterson y Gregory Richardson como dos colaborado importante pa cu e museo aki. Tanto Peterson, kende ta un di e curatornan pa e museo comunitario nobo, como Richardson, kende ta traha na Instituto Pedagogico Arubano (IPA) ta di San Nicolas y lo contribui sin duda na pone e detayenan perfecto y integra e caracter di San Nicolas manera un 'hilo cora', pasando pa henter e exhibicion. E team ta wordo guia pa Zahira Zaandam di Museo Historico.

Fundacion Museo Arubano a gradici Minister Hooyboer-Winklaar pa e confiansa y bon cooperacion, como tambe Minister Otmar Oduber y Minister di Finansa, Mike de Meza pa e mandatarionan contribucion na engrandecemento di museonan na Aruba.

album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter