Friday, 24 October 2014
A cuminsa explora pa gas y petroleo den awanan teritorial di Aruba Print E-mail
Tuesday, 26 February 2013 17:36

Willy Hernandez y Armando Curet (Copy)

Compania Arubano di Petroleo (CAP) ta hopi satisfecho cu ya caba a cuminsa cu e fase di exploracion di gas y petroleo den lama rond di Aruba. "Mi ta contento cu tog despues di basta tempo nos tin actividadnan nobo off-shore di Aruba. No solamente mirando e area bieu cu a wordo explora den pasado unda nos lo bolbe tira un bista, pero tambe un area nobo, un area frontier,

unda cu nos ta pone hopi speransa cu por tin desaroyonan faborabel pa nos tur", asina Armando Curet, director di Compania Arubano di Petroleo a manifesta.

Mester tene cuenta cu ta trata di un trabao cu cierto incertidumbre semper na e fase preliminar of di reconocimento. Recientemente a cuminsa cu e fase di adkisicion sismico over di un parti grandi di e area off-shore di Aruba. E area mas grandi ta e area pa noord di Aruba cual ta un area nobo, el a bisa.

Segun Curet tin hopi expectativa den e trabao nobo aki cu ta cuminsando. A laga sa cu a reuni cu diferente stakeholder, principalmente cu esunnan envolvi den loke ta flora y fauna. Mas tanto posibel ta purba di yega mas cerca posibel di loke ta nan preocupacionnan.

Tabata tin un bon entendimento entre ambos partido y a scucha otro bon. Tin diferente areglo cu a wordo haci y ainda na e momentonan aki tin combersacionnan cu e gruponan pa tene mas tanto cuenta posibel cu loke a ser treci dilanti.

Un di esaki tin di haber cu e mamiferonan. A laga sa cu abordo di e barco lo tin observadornan y expertonan den e tereno aki y REPSOL mes a ofrece e posibilidad pa un representante di e fundacion di Mamifero na Aruba ta abordo pa comparti su conocemento cu e resto di tripulante nan y pa sigura cu mamiferonan den e zona no core ningun peliger. Banda di esaki tambe tin e piscadonan, e hendenan di watersports y cu tur e gruponan aki a hiba reunion. Ta bay tin mecanismonan di informacion diariamente y na tempo pa duna cu anticipacion datonan cu ta di importancia pa nan  durante e adkisicion sismico, Armando Curet a enfatisa.

CAP y REPSOL ta hopi optimista, pero tambe cauteloso ya cu tin hopi cos cu ta desconoci pa loke ta e geologia di e area. Tin algun informacion y e fase aki ta pa purba di haya sa mas tanto posibel kico nan no sa ainda.

"Despues di esey cada biaha bo ta tuma un decision, si nos ta sigui mas of no  (…). Nos ta spera claramente mirando e importancia, cu si bo tin bo mesun recursonan di energia, di petroleo con importante esey ta", el a declara.

Armando Curet a finalisa bisando cu nan ta spera e resultadonan cu hopi optimismo.

Comentarionan (3)Add Comment
The Observer
February 27, 2013
201.229.6.221
Votes: +2
...

@johan tromp; Dios a duna nos e habilidad pa rasona, a base di nos conocemento. Tur caminda riba internet nos por lesa tocante consecuencianan negativo di industria petrolero, especialmente sondeo y boramento di petroleo. Awor, si apesar di e conocemento ey, ta opta toch pa permiti industria petrolero na Aruba, anto ta esnan tras di e industria petrolero aki na Aruba lo mester para responsabel pa e consecuencia si cosnan bai robez. Bo no por tira bo curpa for di sero anto verwacht cu Dios ta catch bo. Nos lo mester consulta cu Dios, samina consenshi, prome cu tuma cada paso...

johan tromp
February 27, 2013
201.229.127.234
Votes: +0
...

Cu poder di Dios, cu semper a protege nos di tur cos malo, mi ta pidi e pueblo di Aruba pa hasi orashon pa tur cos bai bon, pa cu e trabounan aki. Si nos ta bai ta tan pesimista, e ora ta miho nos para tur cos awe i sigui depende di turismo, cu ta e unico pilar di nos economia, THE OBSERVER. Aruba mester purba otro opshon,pa por yuda nos pueblo cu e gastonan di awa cu coriente, i tur cos cu ta wordu exporta cu mundialmente ta birando mas caro. Dios ta bisa yuda bo mes pa ami yudabo. Aruba ban ta positivo i tur cos lo sali bon.

The Observer
February 26, 2013
201.229.3.199
Votes: +2
...

Boso industria no necesariamente ta speransa pa mihor bida pa nos hendenan. Mira Venezuela ta rico na petroleo, pero mira tambe cuanto pobreza tin aya... Lo mas probable lo ta cu turismo ta core peliger den presencia di boramento di petroleo. Hopi tristo lo ta si nos pueblo lo mester sufri daño irreparabel como consecuencia di industria petrolero. Kende lo por para responsabel si turismo wordo destrui? Ningun hende toch? Dios spaar nos di desgracia...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter