Thursday, 17 April 2014
Diadomingo awor: Inicio di Proyecto di Containers den Bario na Paradera Print E-mail
Tuesday, 26 February 2013 17:39

Front PA142519

Manera añanan anterior, Serlimar orguyosamente ta anuncia un biaha mas e Projecto di Containers den Bario. Pa tur esnan cu tabata pendiente di dje, esaki lo inicia diadomingo awor 3 di maart na Paradera, riba e tereno banda pazuid di Aruba Bank Paradera Branch. E horario lo ta di 8’or di mainta pa 3’or di atardi.

 

 Ultimo diadomingo di luna

Entre maart te cu september, cada districto di Aruba lo bini un biaha na turno riba e ultimo diadomingo di luna. Pues e siguiente lo ta riba 31 di maart. Tambe, Serlimar lo ta concentra un diadomingo den un districto “pabao di brug” y siguiente biaha lo concentra den un districto “pariba”.   

 

Serlimar su meta ta pa ofrece Aruba un manera facil, gratis y responsabel pa deshaci di desperdicio di cas grandi (grofvuil). Dor di tuma e prome paso y pone containers disponibel, lo motiva tur habitante pa (man)tene rond di nan cas limpi y asina contribui pa mantene e bario mes limpi.  

 

Milieustraat

Serlimar ta ehecuta dicho projecto, implementando e concepto di un “milieustraat” of “caya di medio ambiente”.

En breve, esaki ta ensera e deposito separa di materialnan di desperdicio den nan respectivo container. Basa riba nos datos di nos projectonan anterior, Serlimar lo organisa su Milieustraat cu e siguiente containernan pa e siguiente tipo di desperdicio:

- desperdicio di construccion;

- desperdicio di hardin (mata corta, yerba etc.);

- desperdicio di metal (frigidaire, wasmachine etc.);

- demas grofvuil di cas mixto;

 

Pues un y tur, pero specialmente habitantenan di Paradera, ta invita pa bini diadomingo awor 3 di maart na e milieustraat di Serlimar y corda tira e desperdicio den e container corespondiente!

    

Pa mas informacion, comunica libremente cu Serlimar na 5845080 of bishita www.serlimar.org.

 

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter