Wednesday, 30 July 2014
Dos proyecto nobo na aeropuerto presenta na publico Print E-mail
Tuesday, 26 February 2013 17:48

 IMG 5355

Diamars mainta Minister Otmar Oduber hunto cu gerencia di AAA. N.V. tabatin e honor di prensenta na prensa y invitadonan dos proyecto cu lo eleva mas ainda e calidad di nos aeropuerto internacional. Na e parti noord di aeropuerto tin e proyecto di screening di maletanan, cual ta cla. Esaki ta encera cu na e momentonan aki nos aeropuerto ta cumpli cu rekisitonan exigi y cual a wordo presenta na miembronan di ICAO.

Na e momentonan aki tur maleta cu wordo transferi na nos aeropuerto ta pasa dor di un screening di seguridad. Antes tabata asina, segun director di aeropuerto, Peter Steinmetz, a duna di conoce, cu e pasahero tabata drenta nos isla y despues bolbe check in na momento di transito. Awor esaki no ta necesario mas, pasahero no tin mester di drenta nos isla y tampoco su maletanan, e por wordo atendi riba e airside mes.

Inicialmente no lo bay haci mucho uso di e facilidad di maleta aki, pero si Aruba kier bira un hub y ofrece vuelonan di coneccion na nos aeropuerto, mester tin e producto. Pa loke ta trata e di dos proyecto, na banda zuid di aeropuerto (General Aviation) ta pa aumenta e capacidad pa loke ta trata avionnan chikito/priva. E proyecto ta conta cu un total di 21 mil meter cuadra mas di apron, 25 posicionnan adicional pa avionnan cual ta representa un aumento di 78% den capacidad y lo tin un costo di rond di 20 miyon Florin.

Ta spera cu e proyecto keda finaliza promer cu fin di aña, cu un duracion di 10 luna segun e compania encarga cu e proyecto, Albo. Den cuadro di seguridad, e proyecto aki tambe ta uno hopi importante caminda cu lo bin un taxi way adicional den direccion di e run way.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter