Saturday, 20 December 2014
Minister Otmar Oduber: Expansion di General Aviation y facilidad di screening di maleta ta di sumo importancia pa desaroyo di nos aeropuerto y nos isla Print E-mail
Tuesday, 26 February 2013 17:59
Comparti

 Front IMG 5328

Minister Otmar Oduber durante presentacion di e dos proyectonan nobo na Aeropuerto Interncional di Aruba, a duna di conoce cu hopi biaha tabata para na aeropuerto y tabatin hopi embeyecimento, hopi factor di loke ta haci di nos aeropuerto uno mas servicial, den un ambiente hopi mas colorido caminda tur gates tin pantaya y balinan nobo, lo cual ta contribui na un producto di un calidad hopi mas halto.

Di otro banda, tin e proyectonan cu a wordo inaugura diamars mainta, cual ta di sumo importancia tambe pa desaroyo di nos aeropuerto y nos isla. Esaki mirando cu maneho di Gabinete Mike Eman, atraves di entre otro Minister di Transporte Otmar Oduber, ta pa nos isla bira un hub, lo cual ta haci cu funcionamento por ta mas eficaz den nos region.

“Maneho cu tabatin pa cu aerolineanan, manera Insel Air, Tiara Air, den futuro Aruba Airlines tambe y otronan ta pa nan por funciona y usa Aruba como un hub. Mi ta kere cu e inversion cu a wordo haci di mas o menos 1 miyon Florin, pa e facilidad di screening di maleta, ta crea servicio na e usuario cu no tin nodo di piki maleta dos biaha, por atrae mas tanto di e tipo di negoshinan aki pa aeropuerto di Aruba”, Minister Otmar Oduber a duna di conoce.

Pa loke ta trata e di dos proyecto, e mandatario a duna di conoce cu un di e manehonan cu a wordo estableci desde 2009 tabata pa mira Aruba crece pa loke ta trata e servicio di charter, particularmente for di Venezuela. E tempo ey tabatin e restriccionnan di Gobierno Venezolano cu no tabata permiti e vuelonan aki y cu a conduci cu na 2009 Aruba a perde mas cu 5 mil stul.

Cu insistencia na 2010 a logra bolter e pensamento cu tabatin pa cu Aruba, mercado di charter a habri bek for di Venezuela.

“Awe, e proyecto aki tabata un consecuencia natural di dje. Para pa mira un expansion di un aeropuerto cu cada biaha cu tin Semana Santa of un puente na Venezuela nos ta core bin akinan pasobra sea nan ta cera nos aeropuerto, contra nos boluntad tin biaha, tin biaha nos mes ta cerele pa motibo di e trafico pisa. Pami awe ta un alegria di mira un inversion di casi 20 miyon Florin cu ta wordo haci cu forza propio di aeropuerto di Aruba, pa expansion di algo cu Gobierno tambe ta haya hopi importante, cu a conoce un desaroyo sumamente positivo y cu a conduci tambe como cifranan di Venezuela en particular di riba 28% den ultimo 2 aña y mey”, Minister Oduber a expresa.

E expansion aki lo trese cune cu lo bay tin un total di 25 posicion adicional na e parti zuid di aeopuerto pa avionnan por para, lo cual ta un adelanto hopi grandi pa loke ta trata General Aviation, specialmente den e periodonan druk.

Intencion awor aki ta pa bay Brasil y otro mercadonan pa usa Aruba como un puente pa nos isla gana cune. “Mas avion y avioneta yega Aruba ta significa cu mas turista nos tin cu ta contribui na nos pilar economico”, Minister Otmar Oduber a duna di conoce.

album album album
album album album
album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter