Friday, 28 November 2014
Ex Director Paul van Niel: Contento cu e Edificio di John F. Kennedy School ta bay wordo Renoba y haya un bon Destinacion Print E-mail
Tuesday, 26 February 2013 18:28
Comparti

john f kenned 1

Un di e directornan cu John F. Kennedy School a conoce tabata Paul van Niel, kende awendia ta presidente di e organisacion OPPA. Kennedy School cu tabata e instituto educativo unda cu miles di hoben di Aruba a ricibi nan formacion, ta bay wordo restaura door di Gabinete Mike Eman.

Van Niel tin recuerdonan bunita di e scol aki, na unda el a cuminsa duna lesa na 1966, despues di a duna les na Marijke y Beatrix School. E tempo ey sr. Grootens tabata director y a wordo sigui pa Piet van Grinsven, Paul van Niel, Rudy Frank y Jules van Bochove. E grupo aki ta e caranan cu a duna formacion, hunto cu un cuerpo di docente, na miles di mucha homber. “Storianan cu nos a pasa aden na e scol aki, Presidente John F. Kennedy, ta hopi grandi y no tin suficiente tempo pa conta nan,” van Niel a comenta.

E instituto educativo aki tabata e prome scol grandi na Aruba, cu a cuminsa den añanan 1950 basa riba e necesidad pa forma hobennan den ramo tecnico. “E scol aki tabata conoci cu tabatin hopi mala mucha. Pero esey no ta berdad,” el a bisa. El a splica cu e temponan aya, ora cu e docentenan di lagere school no tabata por cu un mucha, e no ta siña of ta hunga, ta bisa “mand'e technische school”. “Pero nos a compronde nos trabou na Kennedy School, a ricibi nan, y a yuda nan.”

Tempo di John F. Kennedy School tabatin dos schooltijden: Te 12’or y despues ta sigui 1.30 bek.

E instituto educativo aki tabata un di esnan mas grandi cu Aruba a conoce. Nan tabatin anualmente un cuerpo di mas o menos 60 docente y 40 klas di 40 mucha. Pues for di momento cu el a lanta den añanan ’50 te cu su ciere den inicio di añanan 90, mas cu 10 mil hoben a haya nan formacion tecnico den e edificio, cu Gabinete Mike Eman a dicidi cu lo bay restaura pa e bira sede di departamentonan di Ministerio di Enseñansa y algun seccion di Departamento di Cultura.  E plannan a wordo presenta dialuna na prensa despues cu e MOU a keda firma cu SOGA, cu ta e stichting cu ta bay busca financiamento pa e proyecto aki.

Cu nostalgia sr. van Niel ta conta con tempo e tabata director semper e ta yega 7’or trabou y para na porta pa saluda tur mucha ora cu nan yega. Pero tambe pa mira kendenan ta yega laat cu ta e mesun grupo. E ta recorda cu a pone cu e grupo aki mester “meld” cerca conciërge Chia Brion, kende ta percura pa haya algo pa nan haci.

E tabata un tempo masha ameno, nos a gosa di dje, sin ta cruel cu e muchanan, sin duna nan sota manera antes. Nos ta na scol pa siña e muchanan, loke nan a compronde tambe,” van Niel a conta.  Y a agrega “ainda mi ta sinti falta di e scol. P'esey mi ta contento cu e edificio di un scol cu tabata asina importante pa miles di mucha, ta bay wordo renoba y haya un bon destinacion.”

Comentarionan (3)Add Comment
Baka di berdad
February 27, 2013
71.204.123.219
Votes: +0
...

Como un alumno di JFK, mi ta contento cu e school aki lo wordo renoba! Hopi historia.

berde
February 27, 2013
201.229.53.53
Votes: +2
...

Pabien pa e idea tremendo di nos gobierno> por fin nos lo caba cu e bista mahos!

prorubiano
February 27, 2013
201.229.35.155
Votes: -3
...

Pabien AVP, esaki ta un otro + punt pa boso, paso fuera cu e edificio aki ta trece hopi recuerdo,ta uno historico cu no a merece di a yega na un estado asina deplorabel pero mas tur cos e tabata un mahos bista pa tur e busnan yen di turista cu tabata pasa ey dilanti diariamente.Pero danki awe na e partido AVP cu a mustra cu e tey pa traha pa pueblo, pronto e edificio aki lo bai mira un kambio pa mihor.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter