Saturday, 25 October 2014
Lo inverti 11 miyon dollar pa extende Apron pa Aviacion General Print E-mail
Tuesday, 26 February 2013 19:34

aaa

Aruba Airport Authority N.V. (AAA) ta cla pa cuminsa cu e proyecto balora na $11,000,000: Extension di e Apron di Aviacion General. Den presencia di Parlamentarionan Sr. Chris Dammers y Sra. Clarisca Velasquez y demas invitado, Sr. Peter Steinmetz, CEO di AAA hunto cu Minister di Turismo & Transporte Sr. Otmar Oduber y AAA su Director Operations Sr. Jurgen Benschop a desvela e borchi di e proyecto y a duna inicio na e proyecto di extension di e Apron pa Aviacion General.

E proyecto di extension di e Apron pa Aviacion General ta ensera un aumento di e plataforma cu 21000m2 cu ta representa 78% mas espacio pa staciona. Esaki ta traduci den aproximadamente 25 posicion ta stacionamento adicional pa avionnan priva. “Led flood lights” nobo y lus led di taxi way lo wordo poni. Esaki ta representa un spaarmento di energia significante pa aeropuerto. E construccion di un taxi way paralelo nobo cu ta cumpli cu e standardnan di ICAO tambe ta inclui den e proyecto, hunto cu e construccion di 2 salida di pista pa e Apron pa Aviacion General y un Helipad pa uso di e helicopternan. “E demanda creciente pa mas espacio pa Aviacion General lo wordo atendi y nos ta hopi entusiasma pa brinda e servicio extra na nos clientenan. Den 10 luna nos lo por yama bonbini na mas pasahero na nos isla cu e facilidad aki. Algo cu tanto nos como aeropuerto y mi ta hopi sigur cu nos clientenan tambe ta ansioso pe!”, asina CEO di AAA Sr. Peter Steinmetz a bisa. E potretnan ta ilustra e disenjonan di e proyecto y tambe e momento cu Sr. Peter Steinmetz hunto cu Sr. Otmar Oduber y Sr. Jurgen Benschop a desvela e borchi cu ta indica e inicio di e proyecto.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter