| Ta bai cera e parti di Nieuwstraat patras di ex-Nicky Habibe pa 5 siman |
 |
 |
| Wednesday, 27 February 2013 08:47 |
 Departamento di Obra Publico ta informa cu diahuebs awor dia 28 di februari 2013 pa 9'or di mainta lo cera e parti di Nieuwstraat cu ta keda patras di edificio di ex-Nicky Habibe pa tur trafico.
Lo desvia e trafico biniendo for di Nieuwstraat na e crusada Nieuwstraat - Ooststraat bay zuid. E trafico den e parti di Wilhelminastraat entre e crusada cu Oostraat y esun cu Irenestraat, enfrente di ex-Brenchi's, lo bira di dos direccion. Esaki ta nifica cu na e crusada di Oostraat cu Wilhelminastraat e trafico lo por bira tanto na man robes como na man drechi.
Lo cera e camindanan menciona pa tur trafico den ambos direccion. Lo indica esaki pa medio di borchi y heki di trafico. Departamento di Obra Publico ta haci un peticion na tur manehador di auto pa sigui e borchinan di trafico. E trabounan lo tin un duracion di maximalmente 25 dia di trabou. DOW ta pidi comprension y disculpa pa cualkier inconveniencia cu e trabounan por ocasiona.
|
Mustra/Kita e formulario di comentario
