Exitoso biahe di promocion di Aruba Tourism Authority, Soul Beach Productions y Insel Air

Wednesday, 27 February 2013 11:19

Recientemente representante di Aruba Tourism Authority Sra. Amayra Boekhoudt, Soul Beach Productions Sr. Mark Adkins y Sr.Karl Welch hunto cu representante di Insel Air Sr. Trevor Nisbeth a haci un biahe di promocion pa St.Maarten, Surinam y Curaçao.

E biahe aki tabata pa promove Aruba como destinacion turistico como tambe pa promove e mega evento cu lo bay tuma lugar na mei na Aruba cu ta Soul Beach Music Festival. Nos isla ruman Curaçao ya conoce e concepto di Soul Beach caba y mescos cu aña pasa, Insel Air -como aerolinea exclusivo di SBMF den e regio di Caribe- tin un charter di Curaçao y a expande su halanan pa promove e evento na St. Maarten y Surinam tambe. Expectativa ta pa yena e cuponan cu tin destina pa e dos mercadonan aki. Insel Air lo bay ta hopi activo den e lunanan cu bin y lo bay tin varios oferta pa Curaçao, St.Maarten y Surinam.

Soul Beach Music Festival:

Manera a wordo anuncia anteriormente, e aña aki Soul Beach Music Festival lo bay ta di 22 pa 26 di mei riba e beach banda di Nikky Beach y lo presenta e mesun concepto di 5 dia di actividad pa entretene e “Soul Beach Followers” y nos hendenan local. Durante dia lo bay tin diferente “beach parties” na Moomba Beach y Baby Beach. Diabierna 24 di mei lo tuma luga e “comedy night” cu e conocido “All-Star Comedy headliner” Sinbad, hunto cu su “funky band” riba e scenario pa entretene tur e amantenan di “comedy”. Diasabra 25 di mei lo tin como artista principal e ganador di 3 Grammy Award Motown Recording Artist NE-YO cu tin varios hit cu ta zona na Aruba. Diadomingo 26 di mei lo cera cu D’Angelo cu lo presenta su coleccion di musica dance-pop y R&B. Tur dos artista lo presenta cu un banda completo cu nan bailarinanan pa duna tur presente un show unico.

Benta di ticket:

E aña aki tambe Soul Beach Productions ta duna oportunidad na e mercado local pa cumpra nan ticket na un prijs special di Afls. 100,= pa persona pa anochi. Busca bo ticket tempran pa bo no keda afo ya cu e oferta special ta limita.

Ticketnan ta obtenibel na e siguiente lugarnan:

Dragon CD & Electronics – San Nicolas

Oficina di Fun Miles - Oranjestad

Insel Air- Oranjestad

Moomba Beach - Palm Beach

Sopranos Piano Bar - Palm Beach

Nikky Beach - Oranjestad

Valero: Boulevard, Essoville, Palm Beach, Ponton y Santa Cruz

Pa mas informacion di e benta di ticket y e ultimo den noticia pa cu CLUB SOUL BEACH, por bishita http://www.soulbeach.net of http://www.aruba.com.

Tambe riba www.soulbeach.net/2013/index.php/artists pa por informa over di e artistanan.

Por sigi nan riba twitter Twitter @SoulBeachMusic of bira un fan di 2013 Soul Beach Music Festival www.Facebook.com/soulbeachmusic

Sponsors:

Aruba Tourism Authority (ATA), Aruba Hotel and Tourism Association (AHATA),

The Westin Resort & Casino Aruba, The Radisson Aruba Resort, Casino & Spa, Divi Resorts, Tierra del Sol Aruba Resort, Spa and Country Club, De Palm Tours Aruba, SETAR NV y Europcar.

Persona di contacto ta : Sra Amayra Boekhoudt na Tel. 582-3777 ext. 254.