Friday, 24 October 2014
Dia 8 di maart ta dia di Hende Muhe Print E-mail
Thursday, 07 March 2013 17:34

Dia di hende muhe DSC 0663

Dia di Hende Muhe a wordo proclama pa prome bes na e conferencia internacional na Kopenhagen na 1910. Na e conferencia aki a participa centenares di homber y muhe di 17 diferente pais. E motibo di e conferencia tabata e welga masal riba 8 di maart 1908 na Chicago y New York dor di muhenan balente cu tabata traha den e industria di paña.

Nan lucha tabata pa tin un dia di trabou di ocho ora, miho circunstancianan di trabou y derecho di voto. E derecho di voto a keda para central pa basta tempo. Den e añanan cu a sigui un cantidad creciente di pais rond mundo tabata organisa demostracion y reunionnan dia 8 di maart. Na 1978 Nacionnan Uni a reconoce dia 8 di maart como un dia festivo. Na Aruba tambe nos ta celebra dia 8 di maart y ta para keto ta tur loke e hende muhe a logra den transcurso di aña.

Compara cu varios paisnan avansa na mundo Aruba ta hopi adelanta pa loke ta derecho di hende muhe. Den un periodo relativamente cortico a kita discrepancianan cu por tabatin entre hende muhe y hende homber. Si antes e hende muhe no por a sigui traha como ambtenaar si e casa, a cambia e ley discriminatorio aki y awor e hende muhe tin mesun derecho di trabou como di pensioen cu e hende homber. Aruba tin tambe un gran cantidad di hende muhe cu ta ocupa puestonan halto den nos comunidad. Den Parlamento di Aruba tin varios hende muhe trahando duro pa hiba nan pais dilanti. Na Aruba e hende muhe ta haya tur espacio pa studia y desaroya su mes y traha riba un carera profesional. E isla chikito aki ta haciendo un bon papel.

Pero, semper tin espacio pa mehoracion. Loke cu sigur mester preveni ta cantidad grandi di casonan di embaraso hubenil. Ainda na Aruba tin demasiado mucho muhe jong cu ta sali na estado, mientras cu tin asina hopi informacion riba e topico aki. Mayoria biaha ta nan so mester carga cu e responsabilidad aki, pasobra e tata hopi bes ta disparce. Asina mes e mama hoben por sigui scol y caba un estudio pa yud'e bay dilanti. Pa mehora loke falta ainda, mester cambia leynan of traha leynan nobo. Esaki ta trabou di Parlamento y cu asina hopi hende muhe eyden, e leynan aki sigur ta bay bin. Feliz Dia di Hende Muhe!!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter