Friday, 18 April 2014
Juan-David Yrausquin: Experiencia positivo di Aruba den Reino a resalta durante IPKO Print E-mail
Thursday, 07 March 2013 18:39

juan david yrausquin003

Durante reunionnan Interparlamentario di Reino (IPKO), Parlamentario Juan-David Yrausquin a remarca cu Aruba su experiencia di e ultimo añanan den Reino y cu e ministerior di relacionnan exterior ta positivo. Esaki den bista di e preocupacion di su colega di Parlamento di Corsou, Alex Rosario (Pais), cu a expresa cu "Corsou no ta beneficiando di e presencia di embahadanan di Reino Hulandes,

apesar cu teoreticamente e embahadanan aki t'ey pa traha na interes di tur e 4 paisnan cu ta forma parti di Reino". Segun Juan-David e ta compronde e preocupacion di su colega di Corsou, pero cu e experiencia di Aruba en todo caso di e ultimo añanan ta cu e embahadanan di Reino Hulandes ta sirbi interesnan di Aruba tambe. Ela menciona algun ehempel concreto, manera entre otro e cooperacion di embahada di Reino Hulandes pa yuda establece contactonan diplomatico cu Colombia durante ciere di e refineria como tambe e mision economico "Europe Meets Americas", planea pa tuma luga dentro di poco, unda e embahadanan ta hunga un rol importante. Esakinan ta muestra di e relacion fructifero cu Aruba a establece den e ultimo añanan. Asina mes, Juan-David ta spera cu esaki lo mehora pa tur pais den Reino. "Mas nos haci uzo di esaki, mas esaki lo ta e caso". Segun Juan-David, Corsou a bin cu bon proposicionnan pa mehora diplomacia economico y Aruba a sostene esakinan completamente. Ademas e Parlamentario a enfatisa durante e reunion cu e delegacion di Aruba kier pa crea e posibilidad pa Parlamentarionan di Aruba, Corsou y Sint Maarten tambe por debati cu e minister di Asuntonan Exterior, un proposicion hancra den e rapport 'kiezen voor het Koninkrijk. E proposicion pa introduci e asina yama 'Staat van het Koninkrijk' lo hacie posibel pa Parlamentarionan di Aruba, Corsou y Sint Maarten dirigi preguntanan Parlamentario, debati y entrega mocionnan pa Ministernan di Reino, como e Minister di Relacionnan Exterior, den un forma similar cu Parlamentarionan Hulandes por haci esaki. E proposicion aki a haya sosten di Corsou y Sint Maarten y di parti di e delegacion Hulandes a pidi pa elabora e proposicionnan aki mas pa asina tuma un decision riba dje. A palabra cu e punto specifici aki lo ta riba agenda di e proximo IPKO y cu un grupo di trabao di e paisnan lo traha riba e topico aki den e periodo entre e reunionan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter