Na IMSAN, un biaha mas, tin un grupo di e personal trahando na ambulance hayando un training. Ta trata di e chauffeurnan di ambulance cu mester ta bon prepara y diploma pa asina yuda e verpleegskundige cu ta yuda pacient. Den entrevista cu Joel Rajnherc el a splica cu e team di chauffeur aki ta casi full nobo, y nan mester tin e mehor educacion posible pa por yuda e enfermero. 

El a splica tambe cu abordo di e ambulance ta e enfermero y e chauffeur so tin pa zorg pa e pacient yega Hospital den e mehor condicion pa eynan sigui cu e cuido. Esey ta e pre hospital care cu mester ta optimal pasobra e prome minuutnan ta esnan mas importante pa salba un pacient su bida, haciendo e cosnan corecto.  El a splica cu e instructornan di ambulance zorg di Hulanda ta bin Aruba specialmente pa duna curso envez cu mester manda cada bez e personal ayanan, den e caso aki 17 chauffeur. Nan ta hayando teoria aworaki pero dentro di 3 pa 4 luna nan lo subi caya cu e instructornan pa haya e preparacion completo.  E training ta tuma lugar un siman pa cada luna, dos dia den siman dos ora pa dia, y nan ta parti e grupo di trahadornan den dos pa mientras un ta atende les e otro duna servicio na cliente. E chauffeurnan ta bira ayudante di e enfermero y e mester sa ora e enfermero bise cu e mester di esaki of esey, kico precies e tin cu haci. Awor no ta cuestion di hisa benta y stuur pa yega hospital pero e chauffeurnan mester ta capacita y diploma pa por traha pa servicio di ambulance.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi