Friday, 28 November 2014
Segun Sigmar Betancourt di Gele Koorts Muskietenbestrijding "Hendenan ta mas consciente awor aki di criaderonan" Print E-mail
Thursday, 07 March 2013 18:56
Comparti

IMG 7580

Un di e departamentonan cu su funcionarionan ta cana tur siman cu Prome Minister Mike Eman den su bishitanan den bario, ta Gele Koorts Muskietenbestrijding.

Nan ta percura pa unda cu ta necesario, mustra e habitantenan riba e necesidad pa ta mas cauteloso y den caso cu kier, ta tira cierto substancia den e awa di poz. Den combersacion cu Sigmar Betancourt di Gele Koorts Muskietenbestrijding riba con e controlnan ta bay den bario riba criaderonan, el a duna di conoce cu “tur cos ta bayendo bon y nos ta tene control den forma constante. Awe nos a compaña Prome Minister Eman den su bishita den e bario di Piedra Plat”. El a sigui splica cu e situacion ta mas miho awor ya cu "e temporada di awacero a pasa, y awor tin un trankilidad riba e criaderonan di sangura". Cu e experiencia cu e tin, e ta sinti for di e controlnan cu nan a bin ta haciendo cu e hendenan ta birando un tiki mas consciente compara cu den pasado. Puntra si ainda ta haya criadero Sr. Betancourt a bisa cu " leu leu nos ta haya algun cas cu tin tire (taira), hemchi y bari cu ta contene awa y nos ta bezig pa hala atencion di e hendenan. Si nos haya e situacion aki mas cu dos biaha nos ta duna un waarschuwing y nos ta trata e situacion cu e substancia necesario y tambe ta bolter e bari y hemchinan boca bou". En general por bisa cu hendenan a bira mas consciente di nan responsabilidad pa atende cu e situacion aki. Por a constata cu na mayoria cas, e habitantenan no tin problema pa funcionarionan di GKMB tira un bista rond di cas y poz di WC. Masha poco biaha den e bishitanan cu nan ta haci den accion di bario, a topa cu casonan serio di criadero.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter