Aruba un biaha mas ta conmemora Dia Internacional di Hende Muhe, diabierna dia 8 di maart cu un Women's Day Conference organisa pa Minister di Asuntonan Economico, Asuntonan Social y Cultura Michelle Hooyboer-Winklaar. E gran conferencia, cual ta conta cu oradornan invita local y di exterior, ta ofrece un bunita ocasion pa conmemora e dia aki,

unda cu hendenan muhe y homber ta uni pa refleha y comparti den un ambiente positivo tocante e rol di e ser femenino den comunidadnan rond mundo.

Minister Hooyboer-Winklaar kier recorda tur esunnan cu a registra pa e evento special aki, pa por fabor corda cu e ta "sold out" y ta consehabel pa yega tempran pa scoge un bon luga, specialmente si ta trata di un grupo cu ta desea di sinta hunto.

Pa complace cu e tantisimo peticionnan, como cu no por acomoda mas persona den Renaissance Convention Center, y pa tur esunnan cu kier sigui e conferencia aki for di exterior, Minister Hooyboer-Winklaar a bin cu un solucion y ta ofreciendo Women's Day Conference 2013 tambe "live" cu streaming via di e link: http://www.ustream.tv/channel/aruba-womensday-conference-2013.

Pa tur persona cu lo atende e conferencia personalmente of via di "streaming", Minister Hooyboer-Winklaar ta subraya cu e programa aki ta hopi interesante y ta cuminsa pa exactamente 9'or di mainta.

E tema internacional pa e di 102 conmemoracion anual di Dia Internacional di Hende Muhe ta: "Strong Women. Strong Leadership. Strong World.", o sea "Muhenan Fuerte. Liderazgo Fuerte. Un Mundo Fuerte." E lema aki ta core manera un "hilo cora" den henter e programa, cual a wordo traha teniendo na cuenta tur aspecto di loke ta "ser muhe".

Minister Hooyboer-Winklaar ta desea tur hende muhe, pero tambe hendenan homber, kende ta atendiendo e conferencia aki "live" of ta siguie via di "livestreaming" un dia yena di inspiracion, motivacion y positivismo.

Pa esaki, e mandatario un biaha mas ta comparti e programa completo pa publico general por sigui e conferencia cu mas facilidad for di cualkier luga:

9:00 - 9:10 a.m.: Bonbini y Introduccion

9:10 - 9:20 a.m.: Opening Remarks Morning Session Caribbean Mercantile Bank

9:20 - 9:50 a.m.: Guest Speaker - Minister Hooyboer-Winklaar "Harnessing our Power for a Stronger Community"

9:55 - 10:30 a.m.: Keynote Address - H.R.H. Princess Laurentien of the Netherlands

10:35 - 10:55 a.m.: An amazing story of overcoming adversity

10:35 - 10:55 a.m.: Guest Speaker - Dr. Hellen A. van der Wal "Empowering Girls in Aruba

11:20 a.m. - 12:00 p.m.: Guest Speaker - Dr. Sue Morter

12:05 – 12:35 p.m. Lunch

12:35 - 12:45 p.m. Opening Remarks Afternoon Sessions Aruba Bank

12:45 - 1:05 pm Guest Speaker: Michelle Brooks "Building on Female Capital"

1:05 - 1:35 pm Guest Speaker: Elizabeth Gore

1:40 - 2:15 p.m.: Guest Speaker: Maria Bello

2:15 - 4:15 p.m.: World Premiere of "Femme: Women Healing the World", a Documentary Film by Emmanuel Itier

4:15 - 4:30 p.m.: Q & A Emmanuel Itier, Maria Bello and Dr. Sue Morter

4:30 - 6:00 p.m. Closing and Cocktail Reception

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi